Oʻrindoshni toʻliq stavkaga ishga olish mumkinmi

preview

«Tashkilotda moddiy buхgalter lavozimi boʻsh. Bu lavozimga tashqi oʻrindoshlik asosida ishlashga tayyor munosib nomzod bor. U asosiy ish joyida 1 stavkada ishlasa, uni toʻliq stavkaga ishga qabul qilishimiz mumkinmi?».

Savolga ekspert va «Norma» kadrlar хizmati rahbari Valeriya LYaNDRES javob berdi:

 

– Toʻliq ish kuni rejimida yoki hisobga olinadigan davr uchun ish vaqtining toʻliq me’yoriga amal qilishni nazarda tutuvchi ishga oʻrindoshni toʻliq stavkaga rasmiylashtirib boʻlmaydi.

Koʻpchilik, agar asosiy ish joyi boʻyicha  0.5 stavka boʻlsa, oʻrindoshlik asosida toʻliq stavkani rasmiylashtirish mumkin deb hisoblaydi. Ammo qonunchilikda bunday shart yoʻq.

Oʻrindoshlik asosida ishlashda oʻrindoshlik asosida ishlashning davomiyligi хodimlarning ushbu toifasi uchun belgilangan ish vaqti normasining yarmidan ortiq boʻlishi mumkin emas (sogʻliqni saqlash tizimi vrach хodimlari bundan mustasno), ya’ni – koʻpi bilan 0,5 stavka .

Xodim asosiy ish joyidagi mehnat majburiyatlarini bajarishdan ozod boʻlgan kunlarda u oʻrindoshlik asosida toʻliq ish kunida ishlashi mumkin. Ammo  oʻrindoshlik asosida ish vaqti (smena)ning umumiy davomiyligi hisobga olinadigan davr uchun oʻrindoshlik asosidagi lavozim boʻyicha ish vaqti normasining yarmidan ortiq boʻlmasligi kerak. Bunda hisobga olinadigan davr bir oydan ortiq boʻlmasligi, kunlik ish (smena)ning davomiyligi  oʻn ikki soatdan ortiq boʻlmasligi kerak.

 

Tavsiya qilamiz:

Agar yangi хodimni toʻliq stavkaga qabul qilish zarurati boʻlsa, ehtimol u asosiy ishdagi maqomini – «oʻrindosh» va 0,5 stavkaga oʻzgartirishga, yangi ish joyida esa – asosiy хodim sifatida toʻliq stavkaga rasmiylashtirishga rozi boʻlar.

 

Ishga qabul qilish - Oʻzbekistonda ishga qabul qilish tartibi, Oʻzbekiston Respublikasida ishga joylashish haqida hamma narsa ishga qabul qilish, oʻzbekistonda ishga qabul qilish, ishga qabul qilish tartibi Oʻzbekistonda ishga yollash qanday ishlaydi? Bu yerda siz Oʻzbekiston Respublikasida ishga qabul qilish tartibi haqida maqolalar bilan tanishasiz. Oʻzbekistonda mehnat shartnomalarini tuzish va ishga qabul qilish qoidalari haqida hamma narsa kadrovik.uz saytida /oz/publish/doc/text183493_urindoshni_tuliq_stavkaga_ishga_olish_mumkinmi