Oktyabr oyida har bir хodim uchun foydali boʻladi:
«Korхonada yillik ta’tillar jadvali tasdiqlangan. Biroq, ish beruvchi amaldagi intizomiy jazoga asoslanib, хodimga ta’tillar jadvali boʻyicha yozda taqdim qilinishi kerak boʻlgan ta’tilni berishdan bosh tortdi. Jadval kasaba uyushmasi qoʻmitasi bilan kelishilgan. Kasaba uyushmasi qoʻmitasi uning ijrosini nazorat qilishi kerakmi? Intizomiy jazo paytida хodimni ta’tildan mahrum qilish mumkinmi?».
Kadrovik.uz tushuntiradi:
– Qonunchilikda intizomiy jazo qoʻllash paytida хodimni yillik ta’tildan mahrum qilish nazarda tutilmagan.
Agar ish beruvchining ichki hujjatlari mehnat toʻgʻrisidagi qonunchilikka muvofiq хodimlarning vakillik organi bilan kelishilgan boʻlsa, ularning bajarilishini nazorat qilish ham хodimlarning vakillik organi zimmasiga yuklatiladi 
. Bu ta’tillar jadvaliga ham tegishli.
Mehnat kodeksining 144-moddasi ish beruvchini ta’tillar jadvalini kasaba uyushmasi qoʻmitasi bilan kelishgan holda tasdiqlashga majburlaydi.
Ta’tillar jadvali – ish beruvchi uchun ham, хodimlar uchun ham majburiy boʻlgan ichki normativ hujjatdir. Bu na ish beruvchi, na хodim ta’tilga chiqish uchun jadvalda belgilangan vaqtni bir tomonlama oʻzgartirishga haqli emasligini anglatadi.
Agar хodim jadvalda belgilangan ta’til vaqtidan qoniqmasa, ish beruvchi va tashkilotning tegishli saylangan vakillik organiga uni oʻzgartirishni soʻrab, murojaat qilishi mumkin. Ta’tilga chiqish vaqti ish beruvchining tashabbusi bilan ham oʻzgartirilishi mumkin – faqat хodimning roziligi bilan.
Agar ish beruvchi ta’tilni taqdim qilish toʻgʻrisidagi qonunchilik talablariga rioya qilmasa va tasdiqlangan ta’tillar jadvalini buzsa, хodimlar oʻzlarining mehnat huquqlarini himoya qilish uchun tekshiruvchi va nazorat qiluvchi organlar (davlat huquqiy mehnat inspeksiyasi, prokuratura) yoki mehnat nizolarini koʻruvchi organlarga (mehnat nizolari boʻyicha korхona komissiyasi, sud) murojaat qilishga haqli.
