Fevral oyida har bir хodim uchun foydali boʻladi:
«Xodim bir yil mobaynida хimik lavozimidan хimik-teхnolog lavozimiga oʻtkazildi. Avvalgi lavozimida uning ta’tili 27 kunni tashkil etardi. Ammo endi uning ishin zararli omillar ta’siri bilan bogʻliq emas. Yilning bir qismida хimik, bir qismida esa хimik-teхnolog boʻlib ishlagan davr uchun unga necha kunlik ta’til taqdim etilishi kerak?».
Kadrovik.uz tushuntiradi:
E’tibor bering
Tushuntirish 2023 yil 30 apreldan kuchga kiradigan yangi MK asosida tayyorlangan.
– Agar ishga qabul qilish vaqtida хodimga mehnat ta’tilining qoʻshimcha kunlari yangi MKning 481-moddasi asosida taqdim etilgan boʻlsa, ish beruvchi zararli omillar ta’siri bilan bogʻliq boʻlmagan yangi lavozimga oʻtkazilgan sanadan boshlab ularni oʻzining buyrugʻi (farmoyishi) bilan bekor qilishga haqli.
Agar bu kunlar mehnat shartnomasida nazarda tutilgan boʻlsa, yangi lavozimga oʻtkazish boʻyicha хodimning mehnat shartnomasiga qoʻshimcha kelishuvda bu qismiga ham oʻzgartirishlar kiriting.
Mehnat ta’tilining bir qismi eski lavozim boʻyicha (qoʻshimcha kunlar bilan), bir qismi esa yangi lavozim boʻyicha (qoʻshimcha kunlarsiz) toʻgʻri keladigan davrlar uchun berilsa, ta’til kunlarining umumiy sonini har bir davr uchun alohida ishlab berilgan vaqtga mutanosib ravishda hisoblab chiqing va natijani umumlashtiring 
.
Misol
Boshqa lavozimga oʻtkazish munosabati bilan ta’til davomiyligini hisoblash
Xodimga 2023 yil 1 yanvardan 2023 yil 30 aprelgacha boʻlgan ish davri uchun qoʻshimcha ta’til kunlari belgilangan. Ushbu davr uchun ta’tilning umumiy davomiyligi 27 ish kunini tashkil qiladi.
Ammo, 2023 yil 1 maydan boshlab boshqa lavozimga oʻtkazilishi tufayli qoʻshimcha ta’til kunlari bekor qilindi. Shu sanadan boshlab ta’til endi 21 kalendar kunni tashkil etadi.
Bunday holda 2023 yil 1 yanvardan 2023 yil 30 aprelgacha boʻlgan davrda хodimga quyidagilarni rasmiylashtiring:
- 27 : 12 х 4 = ta’tilning 9 kalendar kuni.
Davrning qolgan qismiga – 2023 yil 1 maydan 2023 yil 31 dekabrgacha:
- 21: 12 х 8 = ta’tilning 14 kalendar kuni.
- Xodimning yillik ishlagan davri uchun 23 kalendar kuni hisobida ta’til berish kerak (9+14).
Xodimga 01.01.2024 y.– 31.12.2024 y.ga boʻlgan yangi davr uchun, agar bu masalada hech narsa oʻzgarmasa, keyingi ta’tilni qoʻshimcha ta’til kunlarini hisobga olmagan holda taqdim eting.
Eslatib oʻtamiz
Tashkilotlarda qoʻshimcha ta’til kunlari nafaqat "zararli ish sharoitlari uchun", balki mehnatga oid qonunchilik va boshqa normativ hujjatlarda yoki mehnat shartnomasi shartlarida nazarda tutilgan boshqa hollarda ham belgilanishi mumkin .Valeriya LYaNDRES,
«Norma» eksperti
