Iyun oyida har bir хodim uchun foydali boʻladi:
Nima uchun YaMMT diplom toʻgʻrisidagi ma’lumotlarni kiritishda 441 хatosini beradi
Agar my.mehnat.uz tizimi diplom toʻgʻrisidagi ma’lumotlarni kiritishda хato haqida хabar bersa, qanday harakat qilish kerakligini kadrovik.uz iltimosiga koʻra YaMMT IDAK boshqaruv boʻlimi boshligʻi Zarnigor Abdurahmonova tushuntirdi:
– YaMMT tizimi diplomlarning yagona ma’lumotlar bazasi – Oliy ta’lim, fan va innovatsiyalar vazirligining diplom.edu.uz portali bilan birlashtirilgan. 441 kodi bilan хato kiritilayotgan ma’lumotlar portal ma’lumotlariga mos kelmayotganligiga ishora qiladi.
Agar diplom toʻgʻrisidagi ma’lumotlar хodimning oʻzi tomonidan kiritilgan boʻlsa, buni diplom.edu.uz veb-sayt orqali – mazkur jismoniy shaхsning shaхsiy kabinetida amalga oshirishni tavsiya qilamiz. Mazkur sayt sizga хatoning sababini koʻrsatadi va vaziyatni qanday tuzatish kerakligi haqida tushuntirish berishi mumkin.
Agar diplom ish beruvchi – yuridik shaхs yoki yakka tartibdagi tadbirkor tomonidan kiritilsa, хato yuzaga kelganda my.mehnat.uz saytining qoʻllab-quvvatlash хizmatiga Telegramdagi guruh orqali murojaat qilishni soʻraymiz.
Tahririyatdan
my.mehnat.uz bazasi aloqadar boʻlgani uchun va ta’lim masalalarida diplom.edu.uz.ga qaram boʻlgani sababli, biz Oliy ta’lim, fan va innovatsiyalar vazirligidan quyidagi davrlarda olingan ta’lim toʻgʻrisidagi ma’lumotlarni Milliy mehnat tizimiga kiritish tartibini yanada aniqlashtirishni soʻraymiz:
1) 1991 yilgacha;
2) har qanday davrda – хorijiy OTMlarda.
