Iyun oyida har bir хodim uchun foydali boʻladi:
«Mutaхassisni ishga qabul qilmoqchimiz, u ikki davlat – Rossiya Federatsiyasi va Oʻzbekiston Respublikasi fuqaroligiga ega. U Oʻzbekiston fuqaroligini bekor qilish toʻgʻrisida ariza berdi. Mehnat shartnomasida ushbu vaziyatni qanday nazarda tutish kerak? U bilan muddatli mehnat shartnomasi tuzish mumkinmi?».
Savolga «Norma» eksperti, yurist Nurali Nurmuhamedov javob berdi:
– Eng avvalo shuni ta’kidlash kerakki, Oʻzbekiston qonunchiligida ikki davlat fuqaroligi nazarda tutilmagan, ya’ni Oʻzbekiston fuqarosi bir vaqtning oʻzida boshqa davlat fuqarosi boʻla olmaydi 
.
Agar хodim Oʻzbekiston Respublikasi fuqaroligidan chiqsa va boshqa davlat fuqaroligini olsa, u sizda ishlay olishi uchun uning Oʻzbekistonda mehnat faoliyatini amalga oshirish huquqi uchun tasdiqnoma olishingiz kerak. Bu haqda batafsil quyidagi maqolada oʻqing:
Shundan kelib chiqib, siz ushbu хodim bilan Oʻzbekiston Respublikasi fuqaroligidan chiqishni rasmiylashtirish vaqtida mehnat shartnomasini bekor qilishingiz kerak boʻladi.
Ushbu shartni amaldagi mehnat shartnomasiga kiritish yoki muddatli mehnat shartnomasini tuzish shart emas, chunki mehnat shartnomasiga kiritiladigan oʻzgarishlardan qat’i nazar, uni bekor qilishga toʻgʻri keladi.
