Noyabr oyida har bir kadrovikka asqotadi:
«Tashkilot oʻz nomini oʻzgartirdi. Bu mehnat shartining oʻzgarishi hisoblanadimi va uni mehnat shartnomalarida, xodimlarning qogʻoz hamda elektron mehnat daftarchalarida aks ettirish kerakmi?»
Bunday vaziyatda harakatlarning batafsil algoritmini yangi Mehnat kodeksini ishlab chiqish boʻyicha ekspertlar guruhi rahbari, yuridik fanlar nomzodi Mixail GASANOV va «Norma» eksperti, yurist Lenara XIKMATOVA taqdim qilishdi:
Mehnat shartnomasi shartlari va uning rekvizitlarini farqlash muhim
– Mehnat shartnomasi shartlari va mehnat shartnomasi rekvizitlari turli xil tushunchalardir.
Mehnat shartnomasining shartlari – bu xodim va ish beruvchi ishga qabul qilishda kelishib oladigan va mehnat shartnomasiga kiritadigan shartlar. Mehnat shartnomasining shartlari uning mazmunini tashkil etadi hamda majburiy va qoʻshimchaga (ixtiyoriy) boʻlinadi
. Tegishincha, mehnat shartnomasida mustahkamlab qoʻyilgan shartlarni oʻzgartirish uchun xodim va ish beruvchi bunga oʻzaro rozilik berishlari kerak. Buning uchun ular tegishli oʻzgartirishlar kiritish toʻgʻrisida mehnat shartnomasiga (keyingi oʻrinlarda – qoʻshimcha kelishuv) qoʻshimcha kelishuv tuzadilar. Bu Mehnat kodeksining 149-moddasi 2-qismida nazarda tutilgan.
Mehnat shartnomasi rekvizitlari – bu ushbu hujjatning yuridik kuchini ta’minlaydigan majburiy atributlar (axborot, ma’lumotlar).
Mehnat kodeksining 107-moddasida mehnat shartnomasida taraflarning qaysi rekvizitlari koʻrsatilishi belgilangan:
1. Xodimning rekvizitlari:
- familiyasi, ismi va otasining ismi;
- shaxsini tasdiqlovchi hujjatlar toʻgʻrisidagi ma’lumotlar;
- yashash yoki turgan joyining manzili va u bilan bogʻlanishga doir ma’lumotlar;
- STIR, JShIR va JBPH raqami.
2. Ish beruvchining rekvizitlari:
- ish beruvchining nomi. Bunda agar ish beruvchi:
– tashkilot boʻlsa – ushbu tashkilotning nomi koʻrsatiladi;
– tashkilotning alohida boʻlinmasi boʻlsa (filial, vakolatxona va h.k.) – ushbu boʻlinmaning nomi;
– jismoniy shaxs boʻlgan hollarda, – uning familiyasi, ismi, otasining ismi va pasport ma’lumotlari (identifikatsiyalovchi ID-kartasi ma’lumotlari);
– yakka tartibdagi tadbirkor – uning familiyasi, ismi, otasining ismi, pasport ma’lumotlari (identifikatsiyalovchi ID-kartasi ma’lumotlari), davlat roʻyxatidan oʻtganligi toʻgʻrisidagi guvohnomaning raqami va berilgan sanasi;
- ish beruvchining mehnat shartnomasini imzolagan vakili haqidagi ma’lumotlar va agar tashkilot yoki uning alohida boʻlinmasi ish beruvchi boʻlsa, vakilga tegishli vakolatlar berilganligining asosi;
- ish beruvchi tashkilotning joylashgan yeri (pochta manzili) – tashkilot yoki uning alohida boʻlinmasi, jismoniy shaxs boʻlgan ish beruvchining yashash yoki turgan joyi manzili;
- STIR (bundan jismoniy shaxslar boʻlgan ish beruvchilar mustasno);
- tashkilotlar yoki ularning alohida boʻlinmalari boʻlgan ish beruvchilarning, shuningdek yakka tartibdagi tadbirkorlarning bank rekvizitlari;
- ish beruvchining aloqa ma’lumotlari (telefon raqamlari, elektron pochta manzili va boshqalar).
Mehnat shartnomasi tomonlaridan birining rekvizitlari oʻzgargan taqdirda qonun bu haqda boshqa tomonni oʻzgartirilgan kundan boshlab uch ish kuni ichida xabardor qilishga majbur qiladi.
Mehnat shartnomasiga oʻzgartirishlar kiritilganligi toʻgʻrisida qoʻshimcha kelishuv rasmiylashtirish kerakmi
Mehnat kodeksida bu haqda aniq aytilmagan. Ammo unda shunday izoh mavjud: agar Mehnat kodeksining 107–moddasida nazarda tutilgan rekvizitlardan birortasi mehnat shartnomasi tuzilayotganda unga kiritilmagan boʻlsa, buni qoʻshimcha kelishuvni rasmiylashtirish yoʻli orqali amalga oshirish kerak
. Shuning uchun rekvizitlar oʻzgarishi bilan bogʻliq vaziyatda xuddi shunday harakat qilish maqsadga muvofiq sanaladi.
Mehnat shartnomasi shartlarini oʻzgartirish toʻgʻrisidagi qoʻshimcha kelishuvning muqaddimasida asosiy ibora «... tomonlar mehnat shartnomasiga quyidagi oʻzgartirishlar kiritishga oʻzaro kelishib oldilar ...» sanaladi. Rekvizitlarni oʻzgartirish boʻyicha qoʻshimcha kelishuv esa faqat rekvizitlarni oʻzgartirish yoki toʻldirish faktini tasdiqlaydi. Hujjat matnida quyidagiga oʻxshash iboralarni ishlatishni tavsiya qilamiz: «Ushbu qoʻshimcha kelishuv bilan mehnat shartnomasiga quyidagi yetishmayotgan rekvizitlar kiritiladi ...» yoki «Mehnat shartnomasiga ushbu qoʻshimcha kelishuv bilan quyidagi rekvizitlarga oʻzgartishlar kiritiladi...». Hujjat oxirida tomonlarning rekvizitlari koʻrsatiladi hamda xodim va ish beruvchining ishga qabul qilish huquqiga ega boʻlgan vakolatli shaxsining imzolari qoʻyiladi.
Tashkilot nomini oʻzgartirishda bosqichma-bosqich harakatlar algoritmi
1. Tashkilotning nomi oʻzgartirilganini tasdiqlovchi hujjat asosida kadrlar hujjatlariga oʻzgartirish kiritish haqida erkin shaklda buyruq tuzing.
2. Ish beruvchining nomi oʻzgarganligi toʻgʻrisida barcha xodimlarni oʻzgartirishlar roʻyxatdan oʻtgan vaqtdan e’tiboran uch ish kuni ichida yozma shaklda xabardor qiling
. MK xabar berish tartibining oʻziga xos tartib-taomilini aniqlamaydi, buni ichki tartibga qoldiradi. Masalan, xodimlarning imzolari uchun ustun bilan tanishuv varaqasini tuzish mumkin. Agar qoʻshimcha kelishuvni yuqorida koʻrsatilgan uch kun tugashidan avval rasmiylashtirishga ulgurilsa, alohida xabarnomani qilmasa ham boʻladi. Axir xodim qoʻshimcha kelishuvdan tashkilotning qayta nomlanishi toʻgʻrisida xabar topadi va uni hujjat bilan tanishganligini tasdiqlash uchun imzolaydi. MK rekvizitlar oʻzgargandan soʻng qancha muddat ichida qoʻshimcha kelishuv tuzish kerakligini aniq koʻrsatmaganligi sababli, uni mahalliy tartibda oʻrnatish tavsiya etiladi. Bu, bir tomondan, tartib-taomilni shoshilmasdan toʻgʻri rasmiylashtirish, boshqa tomondan – bu jarayonni kechiktirmaslik uchun oqilona vaqt boʻlishi kerak.
3. Qoʻshimcha kelishuvni yozma ravishda tuzing. Qoida tariqasida, kompaniya nomi koʻrsatilgan shartnomaning oʻzgartirilgan boʻlimlari bu – shartnoma taraflari toʻgʻrisidagi ma’lumotlarni oʻz ichiga olgan preambula (kirish qismi), shuningdek ish beruvchi va xodimning manzillari va rekvizitlari haqidagi boʻlimdir. Qoʻshimcha kelishuvni raqamlashtiring va tuzilgan sanani koʻrsating. Xodimga ish beruvchining nusxasida imzolangan qoʻshimcha kelishuvning nusxasini bering.
4. Qogʻoz shaklidagi mehnat daftarchalari boʻlgan xodimlarning qogʻoz mehnat daftarchalariga oʻzgartirishlar kiriting. Mehnat daftarchalarini yuritish tartibi toʻgʻrisidagi Yoʻriqnomaning 2.13-bandiga muvofiq harakat qiling. Mehnat daftarchasining 3-ustuniga tashkilot nomi oʻzgartirganligi toʻgʻrisida yozuv kiriting (quyiroqda namuna keltirilgan). 4-ustunga kadrlar hujjatlariga oʻzgartirish kiritish toʻgʻrisida buyruqning raqami va sanasini kiriting.
ISh HAQIDA MA’LUMOT
|
№ t/r |
Sana |
Ishga qabul qilish, boshqa ishga oʻtkazish va mehnat shartnomasini bekor qilish toʻgʻrisidagi ma’lumotlar |
Yozuv nima asosida kiritildi (hujjat, uning sanasi va raqami) |
||
|
yil |
kun |
oy |
|||
|
1 |
2 |
3 |
4 |
||
|
|
|
|
|
«Navruz» mas’uliyati cheklangan jamiyati 2023 yil s 15 sentyabrdan «Orom» mas’uliyati cheklangan jamiyat deb qayta nomlandi |
|
|
|
|
|
|
|
|
|
|
|
|
|
|
|
5. Xodimlarning elektron mehnat daftarchalarida tashkilot nomi oʻzgarganligini tekshiring. Bu ma’lumotlarni my.mehnat.uz saytiga oʻzingiz kiritishingiz shart emas. Yagona milliy mehnat tizimida ish beruvchining STIRi uning identifikatori hisoblanadi. Tashkilot toʻgʻrisidagi ma’lumotlar (tashkilotning STIRi, nomi, davlat roʻyxatidan oʻtkazilgan manzili, mulkchilik shakli, rahbar toʻgʻrisidagi ma’lumotlar va boshqalar) avtomatik ravishda yuridik shaxslarning (tashkilotlarning) Markaziy ma’lumotlar bazasi orqali tizimga kiritiladi. Tashkilot nomi oʻzgarganda my.mehnat.uz saytida ushbu ma’lumotlar tashkilotning STIRi orqali avtomatik ravishda yangilanadi.
Batafsil quyidagi maqolada oʻqing:
6. T-2 shaklidagi xodimlarning shaxsiy kartalarida tashkilot nomini oʻzgartiring. Qonunchilikda buni qanday qilish kerakligi belgilanmagan. Taxminiy harakatlar rejasi quyidagicha boʻlishi mumkin. Tashkilotning avvalgi nomi ustidan bitta chiziq tortiladi. Uning ustiga yoki yoniga yangi nom kiritiladi, unda kadrlar hujjatlariga oʻzgartirishlar kiritish toʻgʻrisidagi buyruq rekvizitlari koʻrsatiladi. Ushbu ma’lumotlarni kiritgan mutaxassis oʻzining toʻliq F.I.Sh. va lavozimini koʻrsatadi, sana qoʻyadi va imzolaydi.