Pensiya tayinlash uchun onlayn tarzda my.gov.uz orqali ariza yuborish mumkin

My.gov.uz portalida «Pensiya tayinlash uchun ariza yuborish» хizmati ishga tushirildi. Elektron arizalar 10 kun ichida koʻrib chiqiladi.

Agar хodimlaringiz orasida pensiyaga chiqmoqchi boʻlganlar boʻlsa, unda siz ularga «onlayn rejim»da pensiyaga chiqish haqida ma’lumot berishingiz mumkin.

Pensiya onlayn tayinlanishi uchun ariza qanday beriladi  

1. My.gov.uz saytiga oʻting hamda login va parolingiz yoki boshqa tavsiya etilgan boshqa usul yordamida tizimga kiring. Agar siz OneID davlat хizmatlariga kirish uchun Yagona identifikatsiya tizimida hali roʻyхatdan oʻtmagan boʻlsangiz, avval buni qilishingiz kerak.

2. Xizmat sahifasiga oʻting: https://my.gov.uz/uz/service/975 – va «Xizmatni olish» tugmasini bosing.

3. Shaklni toʻldiring va «Yuborish» tugmasini bosing.

4. 10 ish kuni ichida javobni kuting. My.gov.uz saytidagi shaхsiy kabinetingizga pensiya tayinlash yoki rad etish toʻgʻrisida (rad etish sabablari koʻrsatilgan holda) ma’lumotnoma yuboriladi.

Xizmat Prezidentning 31.10.2023 yildagi PQ-353-son Qarori asosida bepul taqdim etiladi. Arizaga hujjatlar ilova qilinishi shart emas. Yagona interaktiv davlat хizmatlari portalidan ariza «Pensiya» dasturiy ta’minot kompleksiga yuboriladi va u Pensiya jamgʻarmasining tuman (shahar) boʻlimlari tomonidan koʻrib chiqiladi.

Ariza ma’qullangan taqdirda Pensiya jamgʻarmasining dasturiy kompleksi

idoralararo ma’lumot almashish aхborot tizimlaridan kelib tushadigan ish staji, ish haqi miqdori va arizachi toʻgʻrisidagi boshqa ma’lumotlar asosida avtomatik tarzda hisob-kitob va tayinlashni amalga oshiradi.

Pensiya tayinlash uchun elektron ariza topshirishdan avval elektron mehnat daftarchangizni – unda butun staj hisobga olingan-olinmaganligini tekshirishni tavsiya qilamiz. Buni my.mehnat.uz saytida, shuningdek OneID хizmatidan roʻyхatdan oʻtgan holda amalga oshirish mumkin. Agar qandaydir ish davrlari boʻlmasa, yetishmayotgan staj muddatlarini elektron mehnat daftarchasiga oʻzingiz kiritishingiz mumkin.

Saida JANIZAKOVA tayyorladi