Иш берувчиларга ходимларни эмлаш мажбурияти юклатилди

23 февралда Коронавирусга қарши курашиш бўйича республика махсус комиссиясининг йиғилишида 90% ходимларнинг эмланиши ва қайта эмланишини таъминлаш вазифасини иш берувчиларнинг зиммасига юклаш ҳақида қарор қабул қилинди. 

Эмланиш ёки қайта эмланишдан бош тортадиган ходимлар вақтинча ишдан четлаштирилиши керак.

Қарорнинг бажарилишини Санитария-эпидемиологик осойишталик ва жамоат саломатлиги хизмати назорат қилади.

Манбага қаранг.

Эмланишдан бош тортадиган ходимни МК 113-м. 3-қ. асосан ишдан четлаштириш мумкин.

Буни қандай амалга ошириш ҳақида бу ерда батафсил сўз юритганмиз:

• Эмланмаган ходим ишдан қандай четлатилиши лозим (қадамма-қадам йўриқнома, ҳужжатлар намуналари).

Шу билан бир қаторда, 1 мартдан кўчада ниқоб тақиш мажбурлиги бекор қилинди.

Қуйидаги жойларда ниқоб тақиш тавсия этилади:

• жамоат транспортида;
• йирик савдо дўконларида;
• таълим муассасаларида;
• давлат ва нодавлат идораларида;
• масжидлар, театр, кинотеатр, музей, санъат саройлари, маиший хизмат кўрсатиш муассасалари ва бошқа одамлар гавжум жойларда.

Тиббиёт ходимлари, коронавирус билан касалланганлар билан алоқада бўлишидан қатъи назар, ниқоб тақишлари шарт.

Манбага қаранг.

Саида ЖАНИЗАКОВА тайёрлади