Ёш боласи бор ходима аниқланмаган сабабларга кўра ишга чиқмаётган бўлса

«Ходима иш берувчига режалаштирилган операцияга ётаётгани ҳақида хабар берди. Кейинчалик у касаллик варақаси очгани ҳамда амбулатор шароитда даволанаётгани ҳақида хабар берди ва алоқага чиқишни тўхтатди. Иш берувчи ходимларни яшаш манзили бўйича юборди, аммо эшикни ҳеч ким очмади. Ишда йўқлигининг иккинчи ойи охирида ходима қариндоши орқали йўқлик вақтининг катта қисмини қамраб олмаган касаллик варақасини бериб юборди. Ишга чиқмади, алоқага чиқмаяпти. Иш берувчи қарамоғида 3 ёшга тўлмаган фарзанди бўлса, ходима билан меҳнат шартномасини бекор қилишга ҳақлими?».

 Саволга эксперт ва «Норма» кадрлар хизмати раҳбари Валерия ЛЯНДРЕС жавоб берди:

 
- Қонунчилик уч ёшга тўлмаган боласи бор ишловчи аёллар билан тузилган меҳнат шартномасини иш берувчининг ташаббуси билан бекор қилишни тақиқлайди .
Тақдим этилган «касаллик варақаси» асосида ходимга вақтинча меҳнатга лаёқатсизлик нафақаси тўлашни тавсия этамиз. Ушбу ҳужжат билан тасдиқланмаган кунлар учун йўқлик сабаблари аниқланмагунча ҳеч нарса тўламанг.

Ходим билан мулоқот қилиш учун телефон алоқаси ва яшаш жойига боришдан ташқари, бошқа усуллардан фойдаланиш мумкин:

• касалликнинг давом этиш фактини аниқлаш учун вақтинча меҳнатга лаёқатсизлик варақаси берилган тиббий муассаса ва яшаш жойидаги поликлиникага ёзма равишда мурожаат қилиш;

• ходимнинг яшаш жойидаги маҳалла фуқаролар йиғини ёки участка нозирига ёзма ёки шахсан ёрдам сўраб мурожаат қилиш.

• Агар ходим «йўқолиб қолган» бўлса.

Эътибор беринг

Ходимнинг оиладаги зўравонликдан азият чекмаганлигига ишонч ҳосил қилиш учун ҳам участка нозири ва маҳалла йиғинига мурожаат қилиш керак. Бундай ҳолда, у ҳақида маълумотнинг йўқлиги тушунарли бўлиши мумкин. Табиийки, ушбу масала бўйича қарор қабул қилишдан олдин буни аниқлаштириш жуда муҳимдир. Бундай вазиятда аёллар давлат ҳимоясида бўлишади .

Келгусида ишни давом эттириш билан боғлиқ масалаларни ҳал қилиш учун ходимни излаш бўйича барча чораларни далолатнома билан расмийлаштиринг.

Ходиманинг боласи 3 ёшга қачон тўлишини аниқлаштиринг ва ушбу санани назорат қилинг.

Қидирув натижаларисиз ва бола 3 ёшга тўлмагунча меҳнат шартномасини сиртдан бекор қила олмайсиз. Аммо сиз ходимни узрли сабабларсиз прогул учун интизомий жавобгарликка тортишга тўла ҳақлисиз.  Агар сиз буни ўз вақтида қилсангиз ва ҳаммасини тўғри расмийлаштирсангиз, бу бола 3 ёшга тўлганидан кейин меҳнат шартномаси билан боғлиқ масалани ҳал қилишга ёрдам беради.
Ходимнинг исталган сабаб бўйича узоқ вақт йўқлигида иш берувчи бошқа ходимни муддатли меҳнат шартномаси асосида ишга қабул қилишга ҳақли.

Ходима ишга қайтганидан кейин у билан меҳнат шартномасини тарафларнинг келишуви ёки ўз ташаббуси билан бекор қилишингиз мумкин  . Агар меҳнат шартномаси маълум муддатга тузилган бўлса, унинг муддати тугагандан сўнг шартнома бекор қилиниши мумкин  бу қонун билан тақиқланмаган.

Шунингдек, ходимага, агар у бирон бир сабабга кўра ишлай олмаса, 3 ёшгача бола парвариши учун таътил олишга ҳақли эканлигини тушунтиринг. Бунда унинг иш жойи ва лавозими сақланиб қолади. Фақат унинг йўқлиги вақтини қоплаш учун бундай таътилни «орқа сана билан» эмас, балки ҳозирги сана билан – у билан алоқа тиклангандан кейин расмийлаштиринг. У вақтинча меҳнатга лаёқатсизлик варақасини тақдим этган пайтда ишлаган ва уни тўлаш керак. Бола парвариши бўйича таътилда эса  касаллик вақти тўланмайди.

Ходим номаълум сабабларга кўра ишга чиқмаса, нима қилиш кераклиги ҳақида батафсил бу ерда ўқинг:

• Агар ходим «йўқолиб қолган» бўлса.