Пригодится каждому кадровику в декабре:
«Меҳнат кодексининг 99-моддасига биноан, ўз хоҳишига кўра ишдан бўшаётган ходим иш берувчини 2 ҳафта олдин хабардор қилиши керак. Аммо биз малакали кадрларни танлашда қийинчиликларга дуч келмоқдамиз. Айниқса, агар ишлаб чиқариш жараёни уларга боғлиқ бўлган етакчи технологлар ёки бошқа мутахассислар ишдан бўшаётган бўлса.
Ишлаб чиқариш эҳтиёжидан келиб чиқиб, томонларнинг келишуви билан меҳнат шартномасини бекор қилиш учун 2 ҳафталик огоҳлантириш муддатини камида 1 ойга узайтириш мумкинми? Жамоа шартномасига шундай ўзгартириш киритиб, мавжуд меҳнат шартномаларига қўшимча келишув имзолаш мумкинми?».
Kadrovik.uz тушунтиради:
– Ходимнинг ташаббуси билан меҳнат шартномаси бекор қилинганлиги муносабати билан белгиланган 2 ҳафталик огоҳлантириш муддати 
томонларнинг келишуви билан ҳам узайтирилиши мумкин эмас .
Корхонанинг маҳаллий ҳужжатларида огоҳлантириш муддатининг оширилиши ходимлар учун меҳнат шароитларининг ёмонлашиши сифатида баҳоланади.
Жамоа шартномаси ва бошқа маҳаллий ҳужжатларга қонун ҳужжатлари билан белгиланганларга қараганда имтиёзлироқ меҳнат шартлари ва ижтимоий-иқтисодий шартлар киритилиши мумкин .
Тавсия қиламиз:
Бундай хавфларни ҳисобга олинг ва кадрлар тайёрлашнинг ички тизими, шогирдлик ва бошқалар ёрдамида олдиндан кадрлар захирасини шакллантиринг.
Агар сизнинг асосий мутахассисларингиз «алмаштириб бўлмайдиган ва ноёб» бўлса, бу катта хавф. Бизнесингиз нафақат бозордаги вазиятга, балки ҳар бир алмаштириб бўлмайдиган ходимнинг шахсий режаларига ҳам боғлиқ бўлади.
Валерия ЛЯНДРЕС
«Норма» эксперти
