Пригодится каждому кадровику в сентябре:
«Хусусий компаниянинг бош бухгалтери ҳомиладорлик ва туғиш таътилида, аммо корхонада унинг вазифаларини топширадиган ҳеч ким бўлмаганлиги сабабли масофадан туриб ишламоқчи. Ушбу даврда ходимга иш ҳақи ҳисоблаш қонунийми?».
- Йўқ, бу ноқонуний.
Меҳнат кодексининг 114-моддасига кўра, ходим иш тартиби ёки графигига ёхуд меҳнат шартномаси шартларига мувофиқ ўз меҳнат вазифаларини бажариши лозим бўлган вақт иш вақти ҳисобланади.
Меҳнат кодексининг 233-моддасига мувофиқ ходимга ҳомиладорлик ва туғиш таътиллари берилган. У меҳанатга лаёқатсизлик варақаси асосида жамланган ҳолда ҳисоблаб чиқилиб, 126 календарь кун учун тўлиқ берилади.
Вақт бир вақтнинг ўзида ҳам иш, ҳам таътил вақти бўла олмайди. Ҳомиладорлик ва туғиш таътилида бўлиб турган ходим бир вақтнинг ўзида ташкилотнинг иш тартиби ёки графигига ёхуд меҳнат шартномаси шартларига мувофиқ ишлай олмайди. Шунинг учун ҳомиладорлик ва туғиш таътилида иш ҳақини ҳисоблаш нотўғри.
Нима қилиш керак
Ҳомиладорлик ва туғиш таътиллари даврида ушбу давр учун солиқ ҳисоботларини шакллантирадиган аутсорсинг компанияси билан шартнома тузинг. Ёки асосий ходим таътилдан қайтгунига қадар муддатли шартнома асосида бошқа мутахассисни ишга олинг.
Валерия ЛЯНДРЕС,
«Норма» эксперти