ЯММТ (my.mehnat) тизимига кириш янгиланди

Ягона миллий меҳнат тизимига (my.mehnat.uz) янгиланган авторизация ва кириш жорий этилди. Бу ҳақида «ЯММТ янгиликлари (новости ЕНСТ)» телеграм-каналида хабар берилди. Тизимга кириш осонроқ ва қулайроқ бўлди. Янгиликлар ҳақида янада батафсил нашрда ўқинг.

 

ЯММТга кириш тизимида нималар ўзгарди

Энди ЯММТга фақат OneID ёрдамида кириш мумкин. Бу нафақат жисмоний шахсларга, балки ташкилотларга ҳам тааллуқли. Яъни ташкилотнинг шахсий кабинетига кириш учун директор, кадрлар бўйича мутахассис ёки бошқа масъул шахс аввал тизимга киради. Бу ҳақида «ЯММТ янгиликлари (новости ЕНСТ)» телеграм-каналида хабар берилди. Қуйида янги кириш йўриқномасига батафсил тўхталамиз.

1. Сайтга қуйидаги ҳавола бўйича ўтинг https://my.mehnat.uz

2. «Тизимга кириш» тугмасини босиб, тизимга киринг.

3. OneID ёрдамида идентификациядан ўтинг.

Эътибор беринг. Агар сиз ташкилотнинг шахсий кабинетига кирмоқчи бўлсангиз, аввал OneID тизимига кириш керак бўлади. Бунинг учун ўзингизнинг шахсий логин ва паролингиздан фойдаланинг.

4. Кабинетни танланг: жисмоний шахснинг ёки такшилотнинг – корхоналар ва муассасалар учун.

5. Агар ташкилотнинг шахсий кабинетига кираётган бўлсангиз, сизга кириш ҳуқуқи керак бўлади. Бундай ҳуқуқ масъул ходимларда – раҳбарда, кадрлар бўлими ходимида, бухгалтерда ёки бошқа жавобгар ходимда бўлади.

6. Киришнинг якуний қадами ташкилотнинг ЭРИдан фойдаланиш бўлади.

7. Тизимга киргандан кейин ташкилот тўғрисидаги асосий маълумотни киритинг.

 

 

ЯММТда ташкилот кабинетига кириш учун ходимга кириш ҳуқуқлари қандай тақдим этилади

ЯММТда ролли тизим билан ишлаш учун юридик шахснинг (ташкилотнинг) ЭРИси, шунингдек ташкилотнинг шахсий кабинетига кириш ҳуқуқи бериладиган масъул ходим - жисмоний шахснинг ЭРИсига эга бўлиш зарур.

Ташкилотнинг ЯММТдаги кабинетига кириш ҳуқуқини бериш учун:

1. Ташкилотнинг шахсий кабинетига киринг.

2. Бўлимни (кичик бўлинма, филиал ва ҳоказо) яратинг ва унга ушбу бўлинма билан ишлаш ҳуқуқини бермоқчи бўлган масъул ходимни бириктиринг.

3. Масъул ходимнинг иш ўрнини яратинг ва масъул ходим билан меҳнат шартномасини рўйхатдан ўтказинг.

4. «Ташкилотнинг кабинети» бўлимига киринг ва «Кириш ҳуқуқлари» бандини танланг. Сўнг «Фойдаланувчини қўшиш» бандини танланг.

5. Ходимнинг ЖШШИР рақамини киритинг ва очилган ойнада ходим масъул бўлган бўлинмани танланг ва унинг бажаришига рухсат бериладиган ҳаракатларни қўйиб чиқинг. Шундан сўнг масъул ходим кириш ҳуқуқлари бўлган фойдаланувчилар рўйхатида акс этади.

6. Кейин масъул ходим ЯММТга шахсий (жисмоний) ЭРИ калит орқали киради ва ташкилотни танлайди. Шундан сўнг ташкилотнинг шахсий кабинетига кириш имконияти пайдо бўлади.