ЎЗБЕКИСТОН РЕСПУБЛИКАСИ

ПРЕЗИДЕНТИНИНГ

ҚАРОРИ

20.03.2007 й.

N ПҚ-606

ЎЗБЕКИСТОН РЕСПУБЛИКАСИ

ПРЕЗИДЕНТИНИНГ "ТАДБИРКОРЛИК

СУБЪЕКТЛАРИНИ ДАВЛАТ РЎЙХАТИГА

ОЛИШ ВА ҲИСОБГА ҚЎЙИШНИНГ ХАБАРДОР

ҚИЛИШ ТАРТИБИНИ ЖОРИЙ ЭТИШ ТЎҒРИСИДА"

2006 ЙИЛ 24 МАЙДАГИ ПҚ-357-СОНЛИ ҚАРОРИГА

ЎЗГАРТИШЛАР КИРИТИШ ТЎҒРИСИДА

Ўзбекистон Республикасининг "Солиқ маслаҳати тўғрисида"ги Қонунига мувофиқ ҳамда солиқ маслаҳатчилари ташкилотларини рўйхатга олиш ва ҳисобга қўйиш тартибини йўлга қўйиш мақсадида:

1. Ўзбекистон Республикаси Президентининг 2006 йил 24 майдаги ПҚ-357-сонли қарори билан тасдиқланган Тадбиркорлик субъектларини давлат рўйхатига олиш ва ҳисобга қўйишнинг хабардор қилиш тартиби тўғрисидаги Низомга қуйидаги ўзгартишлар киритилсин:

3-банднинг иккинчи ва учинчи хатбошиларидаги "бозорлар ҳамда", "бозорлар ва" сўзлари "бозорлар ҳамда солиқ маслаҳатчилари ташкилотлари" сўзлари билан алмаштирилсин;

6-банднинг тўртинчи хатбошисидаги "Ўзбекистон Республикаси Президенти ва Ҳукумати қарорлари билан ташкил этиладиган акциядорлик компаниялари (шу жумладан, давлат акциядорлик компаниялари ва холдинглар) шаклидаги хўжалик бошқаруви органлари ва бозорлар" сўзлари "Ўзбекистон Республикаси Президенти ва Ҳукумати қарорлари билан ташкил этиладиган акциядорлик компаниялари (шу жумладан, давлат акциядорлик компаниялари ва холдинглар) шаклидаги хўжалик бошқаруви органлари, шунингдек бозорлар ва солиқ маслаҳатчилари ташкилотлари" сўзлари билан алмаштирилсин.

2. Мазкур Фармоннинг ижросини назорат қилиш Ўзбекистон Республикаси Президентининг Мамлакатни ислоҳ қилиш ва янгилашнинг ҳуқуқий базасини такомиллаштириш масалалари бўйича Давлат маслаҳатчисининг хизмати (И.Б. Абдуллаев) зиммасига юклансин.

Ўзбекистон Республикаси Президенти                                    И. Каримов

"Ўзбекистон Республикаси қонун ҳужжатлари тўплами", 2007 йил, 12-сон, 106-модда.