ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

29.06.1994 й.

N 329

ЎЗБЕКИСТОН РЕСПУБЛИКАСИ

ХАЛҚ ХЎЖАЛИГИНИНГ СТРАТЕГИК

АҲАМИЯТГА ЭГА БЎЛГАН АЛОҲИДА

МУҲИМ ЭНЕРГЕТИКА, СУВ ХЎЖАЛИГИ

ВА ИЛМИЙ-САНОАТ КОМЛЛЕКСЛАРИ

ОБЪЕКТЛАРИНИ ҚЎРИҚЛАШНИ

КУЧАЙТИРИШ ТЎҒРИСИДА

Шикастланиши республиканинг экологияси ва иқтисодиёти учун оғир оқибатларга сабаб бўлувчи стратегик аҳамиятга эга бўлган алоҳида муҳим халқ хўжалиги объектларининг барқарор ва хавфсиз фаолият кўрсатишларини таъминлаш мақсадида Вазирлар Maҳкамаси ҚАРОР ҚИЛАДИ:

1. Ўзбекистон Республикаси халқ хўжалиги комплексининг алоҳида муҳим объектларини қўриқлаш қандай ташкил этилганлигини назорат қилувчи доимий ишлайдиган Республика идоралараро комиссия тузилсин.

Республика идоралараро комиссиянинг хулосалари ва тавсиялари тасарруфларида алоҳида муҳим объектлари бўлган вазирликлар ва идораларнинг бажаришлари учун мажбурий деб ҳисоблансин.

2. Алоҳида муҳим объектларни қўриқлаш қандай ташкил этилганлигини назорат қилувчи Республика идоралараро комиссиянинг таркиби иловага* мувофиқ тасдиқлансин.

3. Республика идоралараро комиссияга:

корхоналар ва тармоқлар раҳбарларининг, шунингдек, юқорида кўрсатилган объектларнинг хавфсиз фаолият кўрсатишларини қўриқловчи хизматларнинг жавобгарликларини ошириш юзасидан аниқ чора-тадбирлар ишлаб чиқиш ва амалга ошириш;

алоҳида муҳим объектларни қўриқлаш қандай ташкил этилганлигини махсус жадвал бўйича текшириш ва уз йиғилишларида тегишли вазирликлар ҳамда идоралар раҳбарларининг ушбу масалалар бўйича ахборотларини эшитиш;

Ҳукумат қарори қабул қилинишини талаб қилувчи масалалар бўйича комиссия олдига қўйилган вазифаларнинг моҳиятига кўра зарур таклифлар киритиш вазифалари топширилсин.

Вазирлар Маҳкамасининг Раиси                                                   И. Каримов

*) Илова рус тилидаги матнда берилган.