ЎЗБЕКИСТОН РЕСПУБЛИКАСИ

ОЛИЙ КЕНГАШИНИНГ

ҚАРОРИ

06.05.1993 й.

N 832-XII

"ЕР СОЛИҒИ ТЎҒРИСИДА"ГИ ЎЗБЕКИСТОН

РЕСПУБЛИКАСИ ҚОНУНИНИ АМАЛГА

КИРИТИШ ТАРТИБИ ТЎҒРИСИДА

Ўзбекистон Республикаси Олий Кенгаши ҚАРОР ҚИЛАДИ:

1. "Ер солиғи тўғрисида"ги Қонунни қўллашга доир йўриқнома 1994 йил 1 январдан бошлаб амалга киритилсин.

2. Белгилаб қўйилсинки, ер солиғи жамоа хўжаликлари, давлат хўжаликлари, бошқа қишлоқ хўжалик корхоналари ҳамда деҳқончилик ва чорвачилик маҳсулотлари етиштиришга бевосита алоқадор ташкилотлардан 1995 йил 1 январдан бошлаб ундирилади.

3. Ўзбекистон Республикаси Вазирлар Маҳкамаси:

"Ер солиғи тўғрисида"ги Қонуннинг амалда қўлланилишини таъминлайдиган қарорлар қабул қилсин;

Ўзбекистон Республикаси Ҳукуматининг қарорларини "Ер солиғи тўғрисида"ги Ўзбекистон Республикаси Қонунига мувофиқ ҳолга келтирсин;

Ушбу Қонунга зид бўлган меъёрий ҳужжатларнинг вазирликлар ва идоралар томонидан қайта кўриб чиқилиши ҳамда бекор қилинишини таъминласин.

Ўзбекистон Республикаси

Олий Кенгашининг Раиси                                                    Ш. Йўлдошев