ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

02.12.2008 й.

N 1877

ЎЗБЕКИСТОН РЕСПУБЛИКАСИ

МЕҲНАТ ВА АҲОЛИНИ ИЖТИМОИЙ

МУҲОФАЗА ҚИЛИШ ВАЗИРИНИНГ

31.10.2008 й.

N 57

БУЙРУҒИ

Саноат ва қишлоқ хўжалиги соҳасида

ишловчи умумий касб ходимлари учун махсус

кийим, махсус пойабзал ва бошқа якка тартибда

ҳимояланиш воситаларини бепул беришнинг

намунавий меъёрларини тасдиқлаш ҳақида

(2008 йил 12 декабрдан кучга киради)

Ўзбекистон Республикаси Вазирлар Маҳкамасининг 2000 йил 12 июлдаги 267-сон қарори билан тасдиқланган "Меҳнатни муҳофаза қилишга доир қоида ва нормаларни қайта кўриб чиқиш, ишлаб чиқиш ва жорий этиш Дастури" ижросини таъминлаш мақсадида БУЮРАМАН:

1. Саноат ва қишлоқ хўжалиги соҳасида ишловчи умумий касб ходимлари учун махсус кийим, махсус пойабзал ва бошқа якка тартибда ҳимояланиш воситаларини бепул беришнинг Намунавий меъёрлари иловага мувофиқ тасдиқлансин.

2. Мазкур буйруқ Ўзбекистон Республикаси Адлия вазирлигида давлат рўйхатига олинган кундан бошлаб ўн кун ўтгач кучга киритилади.

Меҳнат ва аҳолини ижтимоий

муҳофаза қилиш вазири в.б.                                                 А. Хаитов

"Ўзбекистон Республикаси қонун ҳужжатлари тўплами", 2008 йил, 49-сон, 486-модда.