ЎЗБЕКИСТОН РЕСПУБЛИКАСИ

ОЛИЙ КЕНГАШИНИНГ

ҚАРОРИ

06.05.1993 й.

N 840-XII

"МЕҲНАТНИ МУҲОФАЗА ҚИЛИШ ТЎҒРИСИДА"ГИ

ЎЗБЕКИСТОН РЕСПУБЛИКАСИ ҚОНУНИНИ

АМАЛГА КИРИТИШ ТАРТИБИ ҲАҚИДА

Ўзбекистон Республикаси Олий Кенгаши ҚАРОР ҚИЛАДИ:

1. "Меҳнатни муҳофаза қилиш тўғрисида"ги Ўзбекистон Республикаси Қонуни эълон қилинган пайтдан бошлаб амалга киритилсин.

2. Ўзбекистон Республикаси Вазирлар Маҳкамасига икки ойлик муддат ичида:

Ўз меҳнат вазифаларини бажариш билан боғлиқ тарзда шикастланган ёхуд соғлиқларига бошқа тарзда зарар етган ишчи ва хизматчиларга корхоналар, муассасалар ва ташкилотлар томонидан товон тўлашнинг тартибини ва миқдорини белгилаш;

Ўзбекистон Республикасининг қонун ҳужжатларини "Меҳнатни муҳофаза қилиш тўғрисида"ги Ўзбекистон Республикаси Қонунига мувофиқ ҳолга келтириш ҳақида Ўзбекистон Республикаси Олий Кенгашига таклифлар тақдим этиш;

Ўзбекистон Республикаси ҳукуматининг қарорларини "Меҳнатни муҳофаза қилиш тўғрисида"ги Ўзбекистон Республикаси Қонунига мувофиқ ҳолга келтириш;

Ўзбекистон Республикаси вазирликлари, давлат қўмиталари, идоралари, концернлари ва хўжалик бошқарувининг бошқа идоралари ўзларининг ушбу Қонунга зид бўлган меъёрий ҳужжатларини қайта кўриб чиқишлари ва бекор қилишларини таъминлаш топширилсин.

Ўзбекистон Республикаси

Олий Кенгашининг Раиси                                                     Ш. Йўлдошев

“Ўзбекистон Республикаси Олий Кенгашининг Ахборотномаси”, 1993 йил, 5-сон, 224-модда