ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

21.11.2022 й.

N 663

ЎЗБЕКИСТОН РЕСПУБЛИКАСИ

БОШ ВАЗИРИНИНГ ЁҚИЛҒИ-ЭНЕРГЕТИКА

ВА КИМЁ СОҲАЛАРИНИ РИВОЖЛАНТИРИШ

МАСАЛАЛАРИ БЎЙИЧА ЎРИНБОСАРИ  ЭНЕРГЕТИКА

ВАЗИРИНИНГ ФУНКЦИОНАЛ ВАЗИФАЛАРИ ҲАМДА

ЁҚИЛҒИ-ЭНЕРГЕТИКА ВА КИМЁ СОҲАЛАРИНИ

РИВОЖЛАНТИРИШ МАСАЛАЛАРИ КОТИБИЯТИ

ТЎҒРИСИДАГИ НИЗОМЛАРНИ

ТАСДИҚЛАШ ҲАҚИДА

Ўзбекистон Республикаси Президентининг "Вазирлар Маҳкамасининг ижро этувчи тузилмасини такомиллаштиришга доир қўшимча чора-тадбирлар тўғрисида" 2022 йил 29 сентябрдаги ПҚ-384-сон қарори ижросини таъминлаш юзасидан Вазирлар Маҳкамаси ҚАРОР ҚИЛАДИ:

1. Қуйидагилар:

Ўзбекистон Республикаси Бош вазирининг ёқилғи-энергетика ва кимё соҳаларини ривожлантириш масалалари бўйича ўринбосари - энергетика вазирининг функционал вазифалари тўғрисида низом 1-иловага мувофиқ;

Ёқилғи-энергетика ва кимё соҳаларини ривожлантириш масалалари котибияти тўғрисида низом 2-иловага мувофиқ тасдиқлансин.

2. Ўзбекистон Республикаси Бош вазирининг ёқилғи-энергетика ва кимё соҳаларини ривожлантириш масалалари бўйича ўринбосари - энергетика вазири Ж.Т. Мирзамаҳмудов ўн кун муддатда Котибият раҳбарлари ва мутахассисларининг функционал вазифалари тақсимланишини қайта кўриб чиқиб, тасдиқласин.

3. Мазкур қарорнинг бажарилишини назорат қилиш Ўзбекистон Республикаси Бош вазирининг ёқилғи-энергетика ва кимё соҳаларини ривожлантириш масалалари бўйича ўринбосари - энергетика вазири Ж.Т. Мирзамаҳмудов зиммасига юклансин.

Ўзбекистон Республикасининг Бош вазири                                          А. Арипов

Қонун ҳужжатлари маълумотлари миллий базаси (www.lex.uz),

2022 йил 22 ноябрь