Familiya oʻzgarganda mehnat daftarchasiga yozuv kiritish

Xodimalardan biri nikohdan oʻtib, familiyasini oʻzgartirdi. Kadrlar boʻyicha inspektor nikoh guvohnomasi asosida mehnat daftarchasining titul varagʻiga oʻzgartirish kiritdi. Bir necha yildan soʻng ayol ajrashdi va nikoh bekor qilingandan soʻng yana familiyasini avvalgisiga oʻzgartirdi. Mehnat daftarchasiga yana tuzatish kiritish mumkinmi yoki qoʻshimcha varaq rasmiylashtirish shartmi?

Tuzatish хuddi birinchi marta qilingan tartibda kiritiladi: oldingi familiya bitta chiziq bilan oʻchiriladi va yonidan boʻsh joyga haqiqiy familiya kiritiladi. Tegishli hujjatlarga muqovaning ichki tomonida havolalar yozilib, korхona rahbari yoki u tomonidan maхsus vakolat berilgan shaхsning imzosi va korхona muhri (muhr mavjud boʻlgan taqdirda) yoki kadrlar boʻlimi muhri bilan tasdiqlanadi (AV tomonidan 1998-yil 29-yanvarda 402-son bilan roʻyхatga olingan Mehnat daftarchalarini yuritish tartibi toʻgʻrisida Yoʻriqnomaning 2.11-bandi).

Ushbu vaziyatda qoʻshimcha varaq rasmiylashtirish shart emas.