Aprel oyida har bir хodim uchun foydali boʻladi:
Ma’muriyat "kasallik ta’tilida" oʻtgan kunlarni ishlab berishni talab qildi. Bu talab qonuniymi, хodim uni bajarishga majburmi? Agar хodim bu soatlarni boshqa kunlari ishlab berish orqali toʻldirsa, ularga haq toʻlanadimi? Ish beruvchi vaqtinchalik ishga layoqatsizlik nafaqasini toʻlashdan bosh tortishga haqlimi?
Ma’muriyatning talabi qonunga zid. Na Mehnat kodeksi, na boshqa qonun hujjatlari vaqtinchalik ishga layoqatsizlik davriga toʻgʻri kelgan kunlar uchun ishlab berishni nazarda tutmaydi. Xodim "kasallik ta’tili"dan chiqqandan keyin bajargan ishi uchun umumiy asosda mehnatga haq toʻlashning belgilangan shartlariga muvofiq ish haqi oladi 
.
Agar хodim qoʻshimcha ravishda, ya’ni unga belgilangan kundalik ishdan ortiqcha ishlaydigan boʻlsa, bu ish vaqtidan tashqari ish deb hisoblanadi .
Mehnat kodeksining 157-moddasiga muvofiq ish vaqtidan tashqari ishlar uchun kamida ikki hissa miqdorida haq toʻlanadi.
Bunda vaqtincha mehnatga layoqatsizlik nafaqasi Davlat ijtimoiy sugʻurtasi boʻyicha nafaqalar tayinlash va toʻlash tartibi toʻgʻrisidagi nizomda belgilangan tartibda ish vaqtiga haq toʻlanishidan qat’iy nazar toʻlanadi.
