Noyabr oyida har bir kadrovikka asqotadi:
Xodim ishga mast holda kelgani uchun unga 700 ming soʻm miqdorida jarima solindi. Buxgalteriya pulni xodimning ish haqidan toʻliq hajmda bir yoʻla ushlab qoldi. Xodimning oʻrtacha oylik ish haqi – 1,2 mln soʻm.
– MK 181-m. 1-q. 2-b. buzilgan. Umumiy qoidaga koʻra jarima miqdori xodimning oʻrtacha oylik ish haqining 30%idan oshishi mumkin emas.
Tashkilotning ichki mehnat tartibi qoidalarida oʻrtacha oylik ish haqining 50%idan ortiq boʻlmagan miqdorda jarima solish holatlari nazarda tutilishi mumkin.
Ish beruvchi uchun oqibatlar
Aybdor mansabdor shaxsga MJTKning 49-m. boʻyicha jarima solinishi mumkin.
Qanday tuzatiladi
Jarima miqdori belgilangan chegaradan chiqmasligi uchun buyruq bilan uni pasaytiring yoxud MK 181-m. boʻyicha boshqa jazo chorasini qoʻllang. Ortiqcha ushlab qolingan summani xodimga qaytaring.
