Noyabr oyida har bir kadrovikka asqotadi:
"Xodim ishga kelmay qoʻydi, telefon qoʻngʻiroqlari va elektron aloqa vositalari orqali yoʻllangan savollarga javob bermayapti. Bu vaziyatda ish beruvchi qanday yoʻl tutishi kerak? Ishga kelmaslik sabablarini aniqlashtirish boʻyicha qanday tartib-taomillardan soʻng Myehnat kodeksining 100-modda 2-qism 4-bandi boʻyicha – mehnat vazifalarini qoʻpol ravishda buzganlik uchun mehnat shartnomasini bekor qilish mumkin? Ishda boʻlmagan xodim bilan mehnat shartnomasini bekor qilmasdan ushbu lavozimga boshqa xodimni qabul qilsa boʻladimi?".
- Aniqlanmagan sabablarga koʻra ishda uzoq vaqt boʻlmagan xodimning oʻrniga muddatli mehnat shartnomasi boʻyicha yangi xodimni qabul qilishingiz mumkin
. Bunda ishga qabul qilish shartnomasi va buyruqda u ish joyi saqlanib qoladigan asosiy xodimning yoʻqligi davrida qabul qilinishini koʻrsating.
Muqobil variant – shu tashkilotning boshqa doimiy xodimiga uning roziligi bilan bir necha kasbda ishlashni rasmiylashtirish
.
Agar xodim uzrli sabablarsiz uzoq vaqt ishga kelmasa (progul), undan yozma tushuntirish olish choralarini koʻring
. Buning uchun shaxsiy T-2 kartasida koʻrsatilgan manzilga pochta xabarnomasi yoki telegramma yuboring. Bildirishnomada xodimga ma’lum muddat ichida undan javob olinmasa, ish beruvchi Mehnat kodeksining 181-moddasiga muvofiq mehnat shartnomasi bekor qilinishiga sabab boʻladigan intizomiy jazo qoʻllash huquqidan foydalanishi haqida xabar bering.
Shuningdek, tashkilot xodimlari orasidan ish beruvchining vakillarini xodimning yashash joyiga yuborishingiz mumkin, ular bildirishnomani shaxsan qoʻlga topshiradilar va joyida tushuntirish oladilar. Xodimning oʻzi boʻlmasa, oila a’zolari bilan suhbatlashishadi. Tashrif natijalarini dalolatnoma bilan hujjatlashtiring.
Xodimning ishda yoʻqligi fakti ham hujjatlashtirilishi kerak. Xodimning ish joyida yoʻqligini har bir kun uchun hujjatlashtirgan ma’qul. Buni "orqa sana bilan" emas, balki oʻsha kunning oʻzida qilishni tavsiya etamiz. Shuningdek, ishdan boʻshatish faktini boshqa dalillar bilan tasdiqlash mumkin (xodimlarning ishga kelish-ketish jurnalida xodimning imzosi yoʻqligi, yozma shaklda rasmiylashtirilgan guvohlar koʻrsatmasi, avtomatlashtirilgan kirish tizimidagi ma’lumotlar, toʻgʻridan-toʻgʻri rahbarning hisobotlari va boshqalar.). Shuningdek, ish soatini hisoblash jadvalida ishga kelmagan vaqtni qayd etish kerak.
Agar xodim belgilangan muddatdan keyin tushuntirish bermasa (xabarnomani pochta orqali yetkazib berish uchun qoʻshimcha bir necha kun), bu haqida dalolatnoma tuzing.
Shuningdek, ushbu davrda vaqtincha ishga layoqatsizlik varaqasini olish uchun murojaat qilgan-qilmaganligini bilish uchun xodimning yashash joyidagi poliklinikaga yozma soʻrov yuborish maqsadga muvofiq.
Agar xodim xat (telegramma) olgan va bu haqida pochta xabarnomasida belgi qoʻyilgan boʻlsa, lekin u shunda ham ishga kelmasa hamda belgilangan muddat ichida progul uchun tushuntirish bermasa, ish beruvchi Mehnat kodeksining 100-modda 2-qism 4-bandi boʻyicha – mehnat vazifalarini bir marta qoʻpol ravishda buzganlik uchun mehnat shartnomasini bekor qilish huquqiga ega.
Ishdan boʻshatish toʻgʻrisida xodimni ogohlantirishni (kamida 3 kun oldin) ish beruvchi oʻz istagiga koʻra mutanosib pullik kompensatsiya bilan almashtirishga haqli
.
Tashkilotingizning jamoa shartnomasi shuni talab qilsa, xodimlarning vakillik organi roziligini olishni unutmang
.
"Progulchi" mehnat shartnomasini bekor qilish toʻgʻrisida buyruq chiqadigan kuni ham kelmasa, u bilan mehnat munosabatlari ishga chiqmagan birinchi kundan boshlab bekor qilinadi
.
Mehnat kodeksining 108-moddasida talab qilinganidek xodimga ishdan boʻshatish kunida buyruq nusxasi va mehnat daftarchasini berishning imkoni yoʻqligi sababli, xodimga hujjatlar uchun kelish yoki ularni pochta orqali yuborishga rozilik berish zarurligi toʻgʻrisida pochta orqali xabar yuboring. Koʻrsatilgan bildirishnoma yuborilgan kundan boshlab ish beruvchi mehnat daftarchasini berishni kechiktirganlik uchun javobgarlikdan ozod etiladi
.