Xodim allaqachon ish topgan boʻlsa, unga ishdan boʻshatish nafaqasi toʻlanadimi

preview

«Xodim qisqartirishga tushgan. Mehnat kodeksining 100-modda 2-qism 1-bandi boʻyicha ishdan boʻshatilayotganda ishdan boʻshatish nafaqasi toʻlanadi.  Ammo xodimning oʻzi allaqachon ish topganini tan oldi. Bu holda unga ishdan boʻshatish nafaqasi toʻlash kerakmi? Axir u ishga joylashish davri uchun toʻlanadi, ish esa allaqachon topilgan».

Kadrovik.uz tushuntiradi:

 

– Bu ishdan boʻshatish nafaqasining mohiyatini toʻgʻri tushunish emas.

Ishdan boʻshatish nafaqasi – bu ish beruvchining tashabbusi bilan mehnat shartnomasi bekor qilinganda, shu jumladan  texnologiyadagi, ishlab chiqarish va mehnatni tashkil etishdagi oʻzgarishlar, xodimlar soni (shtati) yoki ish xususiyatining oʻzgarishiga olib kelgan ishlar hajmining qisqarganligi sababli mehnat shartnomasi bekor qilingan kuni  xodimga toʻlanadigan pul miqdori. 

Agar xodim mehnat vazifalarini buzganligi uchun boʻshatilayotgan boʻlsa, ishdan boʻshatish nafaqasi toʻlanmaydi .

Ishdan boʻshatish nafaqasining miqdori oʻrtacha oylik ish haqidan kam boʻlishi mumkin emas .

E’tibor bering
Ishdan boʻshatish nafaqasi ishdan boʻshatilgan barcha xodimlarga, ular oʻzlariga yangi ish topgan-topmaganidan qat’i nazar, ishdan boʻshatilayotganda darhol toʻlanadi.

Agar xodim ishdan boʻshatilgandan soʻng darhol ishga joylashsa,  nafaqa ishdan boʻshatilganlik fakti uchun toʻlanadi va yoʻqotilgan daromad uchun kompensatsiya sanalmaydi, chunki xodim allaqachon yangi ish beruvchida ish haqi olayotgan boʻladi.

Shu bilan birga xodim boʻshatilgandan keyin bir oy ichida ishga joylasha olmasa,  ishdan boʻshatish nafaqasi unga moddiy koʻmak boʻladi. Bu Mehnat kodeksining 67-modda 1-qismidan kelib chiqadi, unga koʻra, ish beruvchining tashabbusi bilan ishdan boʻshatilgandan soʻng alohida asoslar boʻyicha ish qidirish davrida 2 oydan ortiq boʻlmagan davr mobaynida xodimlarning oʻrtacha oylik ish haqi saqlanib qoladi, bunda xodimga toʻlangan bir oylik ishdan boʻshatish nafaqasi ham qoʻshib hisobga olinadi.

E’tibor bering
Ishdan boʻshatilgandan soʻng darhol ishga joylashish fakti ish beruvchini ikkinchi oy uchun sobiq xodimga oʻrtacha oylik ish haqini toʻlash majburiyatidan xalos qiladi, ammo ishdan boʻshatish nafaqasini emas!

Agar xodim ishga joylasha olmasa va ishdan boʻshatilgandan keyin 30 kalendar kun davomida ish qidirayotgan shaxs sifatida mahalliy mehnat organida roʻyxatdan oʻtgan boʻlsa, u avvalgi ish joyi boʻyicha uchinchi oy uchun ham oʻrtacha ish haqi olishga haqli boʻladi. Toʻlov uchun asos mahalliy mehnat organi tomonidan berilgan ma’lumotnoma hisoblanadi.

 

Oʻzbekistonda mehnat shartnomasini bekor qilish – mehnat shartnomasini bekor qilish shartlari, mehnat shartnomalarini bekor qilish tartibi haqida batafsil oʻzbekistonda mehnat shartnomasini bekor qilish, mehnat shartnomasini bekor qilish Oʻzbekistonda mehnat shartnomasini bekor qilish. Bu yerda siz mehnat shartnomasini bekor qilish, mehnat shartnomasini bekor qilish jarayoni qanday sodir boʻlishi haqida ma’lumot olishingiz mumkin /oz/publish/doc/text183030_hodim_allaqachon_ish_topgan_bulsa_unga_ishdan_bushatish_nafaqasi_tulanadimi1