Noyabr oyida har bir kadrovikka asqotadi:
«AJda 2 aka-uka ishlaydi: ulardan biri bosh buxgalter, ikkinchisi hisob-kitob buxgalteri. AJ buxgalteriya boʻlimida qarindoshlarning birgalikda ishlashiga yoʻl qoʻyib boʻlmasligi haqidagi prokuraturaning talabi qonuniymi 
? AJ bosh buxgalterni oʻz lavozimida qoldirish mumkinmi?».
Kadrovik.uz tushuntiradi:
– AJ qarindosh xodimni bosh buxgalter sifatida ishlashga qoldirishga haqli.
Oʻzaro yaqin qarindosh yoki quda tomondan qarindosh boʻlgan shaxslarning aynan bitta davlat tashkilotida birga xizmat qilishi, agar ularning birga xizmat qilishi ulardan birining ikkinchisiga bevosita boʻysunishiga yoki uning nazorati ostida boʻlishiga bogʻliq boʻlsa taqiqlanadi .
Bunda qonunchilik mulkchilikning boshqa (davlatdan tashqari) shaklidagi korxonalar, muassasalar va tashkilotlarda qarindoshlarning birgalikda ishlashini taqiqlanmaydi.
Davlat korxonasi — davlat mulkidagi, oʻziga tezkorlik bilan boshqarish uchun berilgan mulk negizida tashkil etilgan davlat unitar korxonasi shaklidagi tijorat tashkilotidir . Davlat korxonasining muassisi —Vazirlar Mahkamasi yoki uning tomonidan vakolat berilgan davlat organlari.
AJ davlat korxonasi boʻlmaganligi sababli, u Mehnat kodeksining 121-moddasi ta’siriga tushmaydi. Tegishincha, AJdagi qarindoshlarning birgalikdagi xizmati taqiqlanmagan. Shuningdek, davlat korxonalari xodimlarining belgilangan roʻyxati ushbu modda ta’siriga tushmaydi .
Nurali Nurmuhamedov,
yurist, "Norma" eksperti
