Iyun oyida har bir хodim uchun foydali boʻladi:
Mehnatga haq toʻlash tizimi oʻzgargan boʻlsa, oʻrtacha ish haqini qanday hisoblash kerak
![Mehnatga haq toʻlash tizimi oʻzgargan boʻlsa, oʻrtacha ish haqini qanday hisoblash kerak preview](https://static.buhgalter.uz/free/publish_img_free.jpg)
«Ishlab chiqarish zaruriyati tufayli хodimda uning roziligi bilan mehnatga haq toʻlash tizimi oʻzgardi. Bu mehnat shartnomasida aks etgan. Natijada ta’tildan oldingi oyda u yarim oy davomida 6 kunlik rejimda lavozim maoshi bilan, ikkinchi yarmida esa soatbay tarif stavkasini qoʻllagan holda smena bilan ishladi. Bu holda «ta’til puli»ni hisob-kitob qilish uchun oʻrtacha ish haqini qanday toʻgʻri hisoblash kerak?».
Savolga «Norma» eksperti Dilorom Saidova javob berdi:
– Har yilgi mehnat ta’tilida boʻlgan vaqti uchun хodimga MKning 257-moddasiga muvofiq hisoblab chiqariladigan oʻrtacha ish haqining saqlanishi kafolatlanadi .
Ta’til pulini hisob-kitob qilish uchun хodimning oʻrtacha ish haqini quyidagi formula boʻyicha hisoblang:
- Mehnatga haq toʻlashning vaqtbay tizimida oʻrtacha ish haqi = Ta’tildan oldingi oхirgi kalendar oy uchun tarif stavkasi (ish haqi) + Hisob-kitob davri uchun ish haqining qoʻshimcha qismlarining oʻrtacha oylik miqdori.
MKda keltirilganidek – «ta’tildan oldingi kalendar oy uchun tarif stavkasi (lavozim maoshi)», oʻrtacha ish haqini hisob-kitob qilishda oldingi oyning ikkinchi yarmida foydalanilgan хodimning tarif stavkasini qoʻllang .
Keyin oʻrtacha oylik ish haqi 25,3 ga boʻlinadi va 6 kunlik ish haftasi hisobidan ta’til kunlariga toʻgʻri keladigan ish kunlari soniga koʻpaytiriladi .