Меҳнат кодексига киритилган муҳим ўзгартириш ва қўшимчалар
14 февралдан Меҳнат кодексига киритилган муҳим ўзгартириш ва қўшимчалар кучга киради (13.02.2025 йилдаги ЎРҚ-1030-сон). Янгиликлар фуқароларнинг меҳнат ҳуқуқлари кафолатларини таъминлаш ва халқаро стандартларни жорий этишга қаратилган. Хусусан, тузатишлар иш ҳақини ҳисоблаш, интизомий жазоларни расмийлаштириш ва ўқув таътилларини бериш тартибига тааллуқлидир.
Кадрлар бўйича мутахассислар қонунчилик бузилишининг олдини олиш ва ички тартиб-таомилларнинг янги талабларга мувофиқлигини таъминлаш учун ўз ишларида ушбу ўзгаришларни ҳисобга олишлари муҳимдир.
Жадвал
МКга киритилагн ўзгартиришлар ва қўшимчаларнинг солиштирма жадвали
|
6 қисм |
11-модда |
Меҳнат тўғрисидаги қонунчиликнинг амал қилиши Ўзбекистон Республикаси давлат хизматчиларига, шу жумладан Ўзбекистон Республикасининг хориждаги давлат муассасаларига (дипломатик, консуллик муассасаларига ва бошқа муассасаларга) ишга юборилган ходимларига, шунингдек қонунда назарда тутилган ўзига хос хусусиятларга эга бўлган муқобил хизматни ўтаётган шахсларга нисбатан татбиқ этилади. |
Меҳнат тўғрисидаги қонунчиликнинг амал қилиши Ўзбекистон Республикаси давлат хизматчиларига, шу жумладан Ўзбекистон Республикасининг хориждаги давлат муассасаларига (дипломатик, консуллик муассасаларига ва бошқа муассасаларга) ишга юборилган ходимларга ва муқобил хизматни ўтаётган шахсларга нисбатан қонунларда назарда тутилган ўзига хос хусусиятлар инобатга олинган ҳолда татбиқ этилади. |
Канал в телеграм 