Таътиллар жадвалини қандай тузиш ва тасдиқлаш мумкин

01.11.2024
author avatar

Раиса ДОГОВОРОВА

«Kadrovik PRO» бош муҳаррири

Тавсияномада:

– иш берувчининг таътиллар жадвалини юритиш мажбурияти;

– таътиллар жадвалини тузиш ва тасдиқлаш муддатлари;

– жадвалга киритиладиган ходимларнинг таътиллари;

– таътиллар жадвали лойиҳасини тайёрлаш;

– таътиллар жадвалини тасдиқлаш ва уни касаба уюшмаси қўмитаси билан келишиш;

– жадвалдаги таътиллар саналари тўғрисидаги якуний қарор.

Ўзбекистонда таътиллар жадвали мажбурий бўладими

Таътиллар жадвали – мажбурий локал ҳужжат бўлиб, у ходимларнинг йиллик меҳнат таътиллари навбатини белгилайди. Уни, мулкчилик шаклидан қатъи назар, барча ташкилотлар расмийлаштириши шарт. Микрофирмалар бундан мустасно. Микрофирмалар таътиллар жадвалини тасдиқламасликлари мумкин – уларга МКнинг 505-моддаси шундай ҳуқуқ беради. Микрофирмаларда таътилдан фойдаланишнинг аниқ даври ходим билан иш берувчи ўртасидаги келишувга кўра белгиланади.

Диққат
Таътиллар жадвали мавжуд бўлмаганлиги учун меҳнат инспекцияси мансабдор шахс – иш берувчини МЖтКнинг 49-моддаси бўйича маъмурий жавобгарликка тортиши ва БҲМнинг 5 бараваридан 10 бараваригача миқдорда жарима солиши мумкин.

Таътиллар жадвалини қачон тузиш керак

Таътиллар жадвалини календарь йили бошлангунга қадар тасдиқланг. Яъни кейинги календарь йили учун таътиллар жадвали жорий йилнинг 31 декабридан кечиктирмай қабул қилиниши керак.

Вазият
Меҳнат шартномалари узайтирилмаслиги мумкин бўлса, таътиллар жадвали қандай тузилади

Корхонамиздаги кўпчилик ходимлар билан муддатли меҳнат шартномалари тузилади – 1 календарь йилга. Январь ойида аттестация ўтказилиб, раҳбарият қарор қабул қилади: ким билан янги шартнома тузилади, ким билан эса хайрлашишга тўғри келади. Бундай вазиятда таътиллар жадвалини қандай тузиш керак?

Меҳнат шартномаси тузиладиган календарь йил 31 декабрда тугаши сабабли, шартномаларнинг муддатини ўзгартириш ва муддатли меҳнат шартномаларини бекор қилиш тўғрисидаги қарорни кейинги йилнинг бошида эмас, календарь йил якунига қадар қабул қилишни тавсия этамиз.

Қарор қабул қилиш учун аттестация ўтказиш шарт эмас, чунки муддатли меҳнат шартномалари ўз моҳиятига кўра ходимларнинг ишни давом эттиришга «муносиб» ёки «номуносиблигини» аниқлашга қаратилмаган.

Эслатиб ўтамиз
Агар таътилларни режалаштириш вақтида ходим корхонада ишлаётган бўлса, иш берувчи уни кейинги иш йили учун таътиллар жадвалига киритиши...
lock

Давомини ўқиш учун Kadrovik Pro га обуна бўлинг