Тавсияномада:

- ходимни ҳарбий хизматга чақирилиши муносабати билан ишдан бўшатиш;

- ҳарбий ёки муқобил хизматга чақирилиш муносабати билан иш жойини сақлаб қолиш;

- собиқ чақирилувчиларни қайта қабул қилиш;

- чақирилувчини ишдан бўшатишда ишдан бўшатиш нафақасининг миқдори;

- чақирилувчини ишдан бўшатишни расмийлаштириш.

Ходимни чақирув муносабати билан қачон ишдан бўшатиш мумкин 

Ходим ҳарбий ёки муқобил хизматга чақирилган тақдирда, у билан меҳнат шартномасини тарафларнинг хоҳиш-иродасига боғлиқ бўлмаган ҳолатларга кўра бекор қилинг, . Меҳнат шартномасини бекор қилиш учун асос – ҳарбий комиссариатдан чақирув хати, .

 асосини ҳарбий ўқув муассасасига ёки контракт асосида ҳарбий хизматга кирган ходимларни ишдан бўшатиш учун қўлламанг.  Бундай ҳолларда меҳнат муносабатларини ходимнинг ташаббусига кўра ёки тарафларнинг келишувига кўра бекор қилинг.

Эътибор беринг

Ходим ҳарбий йиғинларга чақирилганда, агар ҳарбий йиғинларнинг давомийлиги 2 ҳафтадан бир ойгача бўлган муддатни ташкил этса, ходимнинг иш жойи (лавозими) ва ўртача иш ҳақини сақлаб қолинг. Бундай ходимлар билан меҳнат шартномаси ҳарбий йиғинлардан қайтилгунга қадар бўлган даврда иш берувчининг ташаббусига кўра бекор қилиниши мумкин эмас, ташкилот тугатилган ҳоллар бундан мустасно, .

Ходим ҳарбий ёки муқобил хизматга чақирилган тақдирда, унинг иш жойини сақлаб қолиш керакми

Бундай мажбурият Қонунда ҳам, Меҳнат кодексида ҳам назарда тутилмаган. Чақирилувчи билан меҳнат шартномаси бекор қилингандан сўнг иш берувчи ушбу лавозимга бошқа ходимни ёллаши мумкин.

Эътибор беринг

Ходимни ҳарбий рўйхатдан ўтиш, ҳарбий хизматга чақирилиши ёки кириш билан боғлиқ вазифаларни бажариш учун зарур вақт давомида ишдан озод этинг ва ушбу даврда унинг ўртача иш ҳақини сақлаб қолинг, .

Чақирилувчи билан меҳнат шартномаси қачон бекор қилинади

Амалдаги қонунчиликда чақирилиш муносабати билан меҳнат шартномасини бекор қилиш учун аниқ муддат белгиланмаган. Шунинг учун ишдан бўшатиш санасини ходим томонидан чақирув хати тақдим этилган вақтдан эътиборан тарафларнинг келишувига кўра белгиланг.

Эътибор беринг

Сафарбарлик чақируви резервида хизматни ўташ даврида, уларни ўтказиш жойига бориш ва қайтиш вақтини ҳисобга олган ҳолда, ходимнинг иш жойи ва лавозими, шунингдек ўртача иш ҳақини сақлаб қолинг  .

Собиқ чақирилувчиларни қайта ишга қабул қилиш керакми

Ҳарбий хизматга чақирилган ва кейин захирага бўшатилган ёки истеъфога чиқарилган ходимни аввалги ишига (лавозимига) қайта қабул қилинг. Бунда у ҳарбий хизматга чақирилган ва кирган кундан эътиборан 3 ойдан ортиқ вақт ўтмаган бўлиши керак .

Эътибор беринг

Қуролли Кучлар сафига, ИИВ, ДХХ ва ФВВ қўшинлари сафига ҳарбий хизматга чақирилган ходим захирага бўшатилганидан/истеъфога чиқарилганидан кейин, агар у иш берувчига хизматдан бўшатилган кундан эътиборан 3 ойдан кечиктирмай мурожаат қилган бўлса, аввалги иш жойида ишга жойлашишда устувор ҳуқуққа эга бўлади.

Чақирилувчига ишдан бўшатиш нафақаси қандай миқдорларда тўланади

Чақирилувчи билан меҳнат шартномасини бекор қилганингизда унга ишдан бўшатиш нафақасини тўланг, .

Чақирилувчини ишдан бўшатишни қандай тўғри расмийлаштириш керак

Ходим ҳарбий ёки муқобил хизматга чақирилиши муносабати билан меҳнат шартномасини тўғри бекор қилиш учун:

1. Ходимдан ҳарбий комиссариатдан чақирув хатини сўранг.
2. Ходим билан чақирув хатидаги санадан келиб чиққан ҳолда меҳнат шартномасини бекор қилиш санасини белгиланг.
3. Ходим билан меҳнат шартномасини тарафларнинг хоҳиш-иродасига боғлиқ бўлмаган ҳолатларга кўра бекор қилиш тўғрисида буйруқ чиқаринг.
4. Ходимнинг меҳнат дафтарчасига (бор бўлса) ёзувни киритинг.
5. Меҳнат шартномасини бекор қилишни ЯММТда рўйхатдан ўтказинг.
6. Т-2 шахсий карточкага ёзиб қўйинг.
7. Ходимни буйруқ билан қўл қўйдириб таништиринг.
8. Ходимга буйруқнинг нусхаси, меҳнат дафтарчасининг асл нусхаси ва ЯММТдан кўчирмани беринг.

Эътибор беринг

Ходимнинг ёзма аризасига кўра 3 иш куни давомида ходимга иш билан боғлиқ ҳужжатларни, масалан, буйруқларнинг кўчирма нусхаларини, иш ҳақи тўғрисидаги, ходим томонидан тўланган солиқлар ва йиғимлар ҳақидаги маълумотномаларни ва бошқаларни беринг. Ушбу ҳужжатларнинг кўчирма нусхаларини ташкилот раҳбарининг ёки бошқа ваколатли шахснинг имзоси, шунингдек муҳри билан тасдиқланг .

9. Ходим билан ҳисоб-китоб қилинг, шу жумладан ишдан бўшатиш нафақасини тўланг.

10. Ҳарбий ҳисобга қўйилиши лозим бўлган ходимни ишдан бўшатиш тўғрисидаги маълумотларни ҳарбий комиссариатга юборинг.