Қонунчилик
ЎзР Қонунлари

Ўзбекистон Республикаси Олий Кенгашининг 07.05.1993 й. 864-XII-сон "Ўзбекистон Республикасининг Ҳаво кодексини амалга киритиш тартиби тўғрисида"ги Қарори

Ҳужжатнинг тўлиқ матнини ўқиш учун авторизация қилинг

ЎЗБЕКИСТОН РЕСПУБЛИКАСИ

ОЛИЙ КЕНГАШИНИНГ

ҚАРОРИ

07.05.1993 й.

N 864-XII



ЎЗБЕКИСТОН РЕСПУБЛИКАСИНИНГ

ҲАВО КОДЕКСИНИ АМАЛГА КИРИТИШ

ТАРТИБИ ТЎҒРИСИДА


Ўзбекистон Республикаси Олий Кенгаши ҚАРОР ҚИЛАДИ:


1. Ўзбекистон Республикасининг Ҳаво кодекси эълон қилинган кундан бошлаб амалга киритилсин.


2. Ўзбекистон Республикаси Вазирлар Маҳкамаси:

уч ойлик муддат ичида Ўзбекистон Республикасининг Қонун ҳужжатларини Ўзбекистон Республикасининг Ҳаво кодексига мувофиқ ҳолга келтириш тўғрисидаги таклифларни Ўзбекистон Республикаси Олий Кенгашига тақдим этсин, Ўзбекистон Республикаси Ҳукуматининг қарорларини кодекс билан мувофиқ ҳолга келтирсин;

Ўзбекистон Республикасининг Ҳаво кодексида баён этилган Авиация маъмуриятининг вазифаларини Ўзбекистон Республикаси Транспорт вазирлиги ҳузуридаги Фуқаро авиацияси агентлиги зиммасига юкласин;

"Фуқаро авиацияси тўғрисида"ги ҳукуматлараро битимга мувофиқ ҳамда Ўзбекистон Республикаси Ҳаво кодексини ҳисобга олган ҳолда Давлатлараро авиация қўмитаси тасарруфига бериладиган вазифаларнинг рўйхатини аниқласин ва тасдиқласин;

Ўзбекистон Республикаси Ҳаво кодексида кўрсатиб ўтилган меъёрий ҳужжатларни 1993-1994 йиллар давомида ишлаб чиқсин ва амалга киритсин.


3. Ҳаво кодексида қайд этиб ўтилган меъёрий ҳужжатлар ишлаб чиқилгунга ва қабул қилингунга қадар ҳаво транспорти соҳасида амал қилиб келаётган меъёрий ҳужжатлар қўллаб турилади.



Ўзбекистон Республикаси

Олий Кенгашининг Раиси                                                      Ш. Йўлдошев

"Ўзбекистон Республикаси Олий Кенгашининг Ахборотномаси", 1993 йил, 6-сон, 248-модда