ЎЗБЕКИСТОН РЕСПУБЛИКАСИ

ОЛИЙ КЕНГАШИНИНГ

ҚАРОРИ

07.05.1993 й.

N 849-ХII

"ДАВЛАТ СИРЛАРИНИ САҚЛАШ ТЎҒРИСИДА"ГИ

ЎЗБЕКИСТОН РЕСПУБЛИКАСИ ҚОНУНИНИ

АМАЛГА КИРИТИШ ТЎҒРИСИДА

Ўзбекистон Республикаси Олий Кенгаши ҚАРОР ҚИЛАДИ:

1. "Давлат сирларини сақлаш тўғрисида"ги Ўзбекистон Республикаси Қонуни эълон қилинган пайтдан эътиборан амалга киритилсин.

2. Ўзбекистон Республикаси Вазирлар Маҳкамаси:

маълумотларнинг маҳфийлик даражасини аниқлаш ва белгилаш тартиби тўғрисидаги Низомни;

Ўзбекистон Республикасида маҳфийлаштирилиши лозим бўлган маълумотлар Рўйхатини;

Ўзбекистон Республикасининг алоҳида тартибга бўйсунувчи, алоҳида муҳим ва муайян тартибга бўйсунувчи объектлар рўйхатини; Ўзбекистон Республикасида маҳфийликни сақлаш тартибини таъминлашга доир йўриқномани ишлаб чиқсин ва тасдиқласин;

давлат сирларини сақлаш борасидаги ишларни пул билан ва моддий-техника билан таъминлаш чора-тадбирларини кўрсин;

Ўзбекистон Республикаси ҳукуматининг қарорларини "Давлат сирларини сақлаш тўғрисида"ги Ўзбекистон Республикаси Қонунига мувофиқлаштирсин.

Ўзбекистон Республикаси

Олий Кенгашининг Раиси                                                 Ш. Йўлдошев

"Ўзбекистон Республикаси Олий Кенгашининг Ахборотномаси", 1993 йил, 5-сон, 233-модда