ЎЗБЕКИСТОН РЕСПУБЛИКАСИ

ОЛИЙ СОВЕТИНИНГ

ҚАРОРИ

20.06.1990 й.

N 93а-XII

ЎЗБЕКИСТОН РЕСПУБЛИКАСИНИНГ

"ЎЗБЕКИСТОН РЕСПУБЛИКАСИДА КОНСТИТУЦИОН

НАЗОРАТ ТЎҒРИСИДА"ГИ ҚОНУНИНИ КУЧГА

КИРИТИШ ТАРТИБИ ҲАҚИДА*

Ўзбекистон Республикасининг "Ўзбекистон Республикасида Конституцион назорат тўғрисида"ги Қонуни қабул қилиниши муносабати билан Ўзбекистон Республикаси Олий Совети ҚАРОР ҚИЛАДИ:

1. Ўзбекистон Республикасининг "Ўзбекистон Республикасида Конституцион назорат тўғрисида"ги Қонуни 1990 йил 1 июлдан кучга киритилсин.

Мазкур Қонуннинг Қорақалпоғистон Республикаси Конституцияси ва қонунларининг мувофиқлигини назорат қилишга оид қоидалари Ўзбекистон Республикаси Конституциясининг Ўзбекистон Республикаси Миллий-давлат ҳамда маъмурий-территориал тузилиш тўғрисидаги бўлимига ўзгартишлар ҳамда қўшимчалар киритиш билан бир пайтда кучга киради. Бу қоида Ўзбекистон Республикаси Конституцион назорат комитети 1990 йил 1 июлдан гражданларнинг асосий ҳуқуқ ва эркинликларига оид норматив қонун ҳужжатлари устидан назоратни амалга оширишига тааллуқли эмас.

2. "Ўзбекистон Республикасида Конституцион назорат тўғрисида"ги Ўзбекистон Республикаси Қонунининг 6-моддасида кўзда тутилган Ўзбекистон Республикаси Конституциясининг Назорат комитети таркибини янгилаб туриш принципини амалга ошириш мақсадида Комитетнинг Раиси Комитетнинг биринчи ҳайъати сайланиши биланоқ беш йилдан сўнг комитетнинг ваколат муддати тугайдиган 5 аъзосини қура ташлаш йўли билан аниқлаши белгилаб қўйилсин. Шундан кейинги сайловларда комитетнинг ҳар бир аъзоси ўн йил муддатга сайланади.

3. Ўзбекистон Республикаси Конституцион назорат комитетига сайланган шахслар меҳнат ҳуқуқларини муҳофаза қилиш масалалари ҳамда фаолиятини таъминлашнинг бошқа шарт-шароитлари жиҳатидан Ўзбекистон Республикаси халқ депутатларига тенглаштирилади.

Ўзбекистон Республикаси

Олий Советининг Раиси                                                       М. Иброҳимов