ЎЗБЕКИСТОН РЕСПУБЛИКАСИ

ОЛИЙ МАЖЛИСИИИНГ

ҚАРОРИ

27.08.2004 й.

N 681-II

АДАБИЙ ВА БАДИИЙ АСАРЛАРНИ

МУҲОФАЗА ҚИЛИШ ТЎҒРИСИДАГИ БЕРН

КОНВЕНЦИЯСИГА ҚЎШИЛИШ ҲАҚИДА

Ўзбекистон Республикаси Вазирлар Маҳкамасининг таклифини кўриб чиқиб, Ўзбекистон Республикаси Олий Мажлиси ҚАРОР ҚИЛАДИ:

Адабий ва бадиий асарларни муҳофаза қилиш тўғрисидаги Берн конвенциясига қуйидаги изоҳлар инобатга олинган ҳолда қўшилинсин:

Конвенциянинг 18-моддасига тааллуқли изоҳ: "Ўзбекистон Республикаси шуни баён этадики, юқорида зикр этилгаи Конвенция Ўзбекистон Республикаси учун кучга кирган санада унинг ҳудудида жамоат мулки бўлиб қолган адабий ва бадиий асарларга нисбатан мазкур Конвенция қўлланилмайди".

Конвенциянинг Қўшимча бўлимига тааллуқли изоҳ: "Ўзбекистон Республикаси юқорида зикр этилган Конвенция Қўшимча бўлимининг 2 ва 3-моддаларида назарда тутилган имтиёзлардан фойдаланиш ниятида".

Ўзбекистон Республикаси

Олий Мажлисининг Раиси                                                  Э. Халилов

"Ўзбекистон Республикаси қонун ҳужжатлари тўплами", 2004 йил, 34-35-сон, 389-модда.

“Ўзбекистон Республикаси Олий Мажлисининг ахборотномаси”, 2004 йил, 9-сон, 181-модда