ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

09.06.2023 й.

N 720-2

ЎЗБЕКИСТОН РЕСПУБЛИКАСИ

КАМБАҒАЛЛИКНИ ҚИСҚАРТИРИШ

ВА БАНДЛИК ВАЗИРИНИНГ

10.05.2023 й.

N 9-2023/Б

БУЙРУҒИ

Меҳнат шартномаси алоҳида асосларга кўра бекор

қилиниб, огоҳлантириш муддати пуллик компенсацияга

алмаштирилганда ходимларга моддий мадад бериш тартиби

ҳақидаги тушунтиришга ўзгартиришлар киритиш тўғрисида

Ўзбекистон Республикасининг Меҳнат кодекси ва "Ўзбекистон Республикасининг Меҳнат кодексини тасдиқлаш тўғрисида"ги Қонунининг 4-моддасига мувофиқ БУЮРАМАН:

1. Ўзбекистон Республикаси Меҳнат вазирлиги томонидан 1999 йил 15 апрелда 684/04-1-сон билан тасдиқланган Меҳнат шартномаси алоҳида асосларга кўра бекор қилиниб, огоҳлантириш муддати пуллик компенсацияга алмаштирилганда ходимларга моддий мадад бериш тартиби ҳақидаги тушунтиришига (рўйхат рақами 720, 1999 йил 10 май) иловага мувофиқ ўзгартиришлар киритилсин.

2. Мазкур буйруқ расмий эълон қилинган кундан эътиборан кучга киради.

Вазир                                                                Б.А. Мусаев

Буйруққа

ИЛОВА

Меҳнат шартномаси алоҳида асосларга кўра бекор

қилиниб, огоҳлантириш муддати пуллик компенсацияга

алмаштирилганда ходимларга моддий мадад бериштартиби

ҳақидаги тушунтиришга киритилаётган ўзгартиришлар

1. Биринчи хатбошидаги "Меҳнат кодекси 102-моддасининг биринчи ва тўртинчи қисмларида" деган сўзлар "Ўзбекистон Республикаси Меҳнат кодексининг 165-моддаси учинчи қисми ҳамда 168-моддаси учинчи қисмида" деган сўзлар билан алмаштирилсин.

2. Иккинчи хатбоши қуйидаги таҳрирда баён этилсин:

"Бунда, ушбу огоҳлантириш муддатларини пуллик компенсацияга алмаштириш иш берувчининг хоҳиши асосида амалга оширилади.".

3. Учинчи - бешинчи хатбошилар чиқариб ташлансин;

олтинчи - саккизинчи хатбошилар тегишли равишда учинчи - бешинчи хатбошилар деб ҳисоблансин.

4. Учинчи хатбошидаги "Меҳнат кодекси 67-моддасининг биринчи ва учинчи қисмида" деган сўзлар "Ўзбекистон Республикаси Меҳнат кодексининг 100-моддаси биринчи ва тўртинчи қисмларида" деган сўзлар билан алмаштирилсин.

5. Тўртинчи хатбошидаги "Меҳнат кодексининг 67-моддаси биринчи қисмида" деган сўзлар "Ўзбекистон Республикаси Меҳнат кодексининг 100-моддаси биринчи қисмида" деган сўзлар билан алмаштирилсин.

Қонун ҳужжатлари маълумотлари миллий базаси (www.lex.uz),

2023 йил 12 июнь