Камбағалликни қисқартириш ва бандлик вазирлигининг 05.07.2023 й. 58-2023/ҚҚ-сон, Иқтисодиёт ва молия вазирлигининг 21.06.2023 й. 38-сон, Транспорт вазирлигининг 04.07.2023 й. 20-сон "Автомобиль транспорти ҳайдовчилари меҳнатига ҳақ тўлашнинг умумий шартлари тўғрисидаги низомга ўзгартиришлар киритиш тўғрисида"ги Қарори (АВ томонидан 19.07.2023 й. 3130-2-сон билан рўйхатга олинган)
ЎЗБЕКИСТОН РЕСПУБЛИКАСИ
АДЛИЯ ВАЗИРЛИГИ ТОМОНИДАН
РЎЙХАТГА ОЛИНГАН
19.07.2023 й.
N 3130-2
ЎЗБЕКИСТОН РЕСПУБЛИКАСИ КАМБАҒАЛЛИКНИ ҚИСҚАРТИРИШ ВА БАНДЛИК ВАЗИРЛИГИНИНГ 05.07.2023 й. N 58-2023/ҚҚ |
ЎЗБЕКИСТОН РЕСПУБЛИКАСИ ИҚТИСОДИЁТ ВА МОЛИЯ ВАЗИРЛИГИНИНГ 21.06.2023 й. N 38 |
ЎЗБЕКИСТОН РЕСПУБЛИКАСИ ТРАНСПОРТ ВАЗИРЛИГИНИНГ 04.07.2023 й. N 20 |
ҚАРОРИ
Автомобиль транспорти ҳайдовчилари меҳнатига
ҳақ тўлашнинг умумий шартлари тўғрисидаги
низомга ўзгартиришлар киритиш тўғрисида
Ўзбекистон Республикаси Меҳнат кодекси ва Вазирлар Маҳкамасининг 2019 йил 16 сентябрдаги 775-сон "Меҳнатга ҳақ тўлаш ягона тариф сеткасини янада такомиллаштириш тўғрисида"ги қарорига мувофиқ Ўзбекистон Республикаси Камбағалликни қисқартириш ва бандлик вазирлиги, Иқтисодиёт ва молия вазирлиги ва Транспорт вазирлиги ҚАРОР ҚИЛАДИ:
1. Ўзбекистон Республикаси Бандлик ва меҳнат муносабатлари вазирлиги, Молия вазирлиги ва Ўзбекистон автомобиль транспорти агентлигининг 2019 йил 22 январдаги 2-2019/ҚҚ, 9 ва 1/103-сон қарори (рўйхат рақами 3130, 2019 йил 23 январь) (Қонун ҳужжатлари маълумотлари миллий базаси, 24.01.2019 й., 10/19/3130/2539-сон) билан тасдиқланган Автомобиль транспорти ҳайдовчилари меҳнатига ҳақ тўлашнинг умумий шартлари тўғрисидаги низомга иловага мувофиқ ўзгартиришлар киритилсин.
2. Мазкур қарор расмий эълон қилинган кундан эътиборан кучга киради.
Вазир |
Б.А. Мусаев |
Иқтисодиёт ва молия вазири
|
Ш.Д. Кудбиев |
Транспорт вазири |
И.Р. Махкамов |
ИЛОВА
Автомобиль транспорти ҳайдовчилари меҳнатига
ҳақ тўлашнинг умумий шартлари тўғрисидаги
низомга киритилаётган ўзгартиришлар
1. Муқаддима қуйидаги таҳрирда баён этилсин:
"Мазкур Низом автомобиль транспорти ҳайдовчилари меҳнатига ҳақ тўлашнинг умумий шартларини белгилайди.".
2. 3-бандда:
биринчи хатбошидаги "Вазирлар Маҳкамасининг 2009 йил 21 июлдаги 206-сон қарори" деган сўзлар "Ўзбекистон Республикаси Вазирлар Маҳкамасининг 2019 йил 16 сентябрдаги 775-сон қарори" деган сўзлар билан алмаштирилсин;
учинчи хатбошидаги "Меҳнат кодексининг 153-моддасига" деган сўзлар "Ўзбекистон Республикаси Меҳнат кодексининг 246-моддасига" деган сўзлар билан алмаштирилсин.
Қонун ҳужжатлари маълумотлари миллий базаси (www.lex.uz),
2023 йил 21 июль