ЯММТда меҳнат шартномасининг бекор қилинишини қандай рўйхатдан ўтказиш керак
03.10.2024
1. my.mehnat.uz сайтида иш берувчининг шахсий кабинетига киринг.
2. Шартномаси бекор қилинаётган ходимнинг фамилиясини топиб, устига босинг.
3. «Меҳнат шартномасини бекор қилиш» тугмасини босинг.
Меҳнат шартномаси бекор қилинишини рўйхатдан ўтказишда қуйидагиларни кўрсатиш керак:
– меҳнат шартномаси бекор қилинган санани;
– меҳнат шартномаси бекор қилиниши ҳақидаги буйруқ рақамини;
– меҳнат шартномаси бекор қилиниши ҳақидаги буйруқ санасини;
– меҳнат шартномаси бекор қилиниши сабабини
Эътибор беринг
Меҳнат шартномаси бекор қилиниши асослари электрон меҳнат дафтарчасининг ўзида акс эттирилмайди.Вазият
Нега ишдан бўшатиш сабаблари тўғрисидаги маълумотни ЯММТда акс эттириш керак
Меҳнат шартномасини бекор қилишни my.mehnat.uz сайтида рўйхатдан ўтказишда муносабатларни бекор қилиш сабабини кўрсатиш лозим.
Сатр – тўлдириш учун мажбурий.
«Меҳнат шартномасини бекор қилиш сабаби» сатрини тўлдираётганда экранда пайдо бўладиган кўрсатмада таклиф этилган тўртта вариантдан бирини танлаш керак:
- технологиядаги ўзгаришлар, ишлаб чиқариш ва меҳнатни ташкил этиш;
- ходимлар сони (штати)ни қисқартириш;
- корхонани тугатиш;
- бошқа.
Функционал Меҳнат кодексининг барча қоидаларига риоя қилган ҳолда ишлайди.
Кўрсатилган сабаблар қуйидагиларда акс эттирилмайди:
электрон меҳнат дафтарчаси ёзувларида;
my.mehnat.uz сайтида кейинги иш берувчилар ва бошқа манфаатдор шахслар фойдаланиши мумкин бўлган ҳар қандай бошқа ҳужжатлар ва ҳисоб регистрларида.
Меҳнат шартномаларини бекор қилиш сабаблари ҳақидаги маълумотларни my.mehnat.uz сайти автоматик тарзда қайта ишлайди.
Ишдан бўшатиш сабаблари фақат иш берувчига ва меҳнат шартномасини бекор қилган ходимгагина маълум бўлиб қолади.
Шунингдек, улар Меҳнат вазирлиги мутахассислари учун умумлаштирилган рақамли мазмунда – меҳнат шартномаларини бекор қилишнинг асосий сабабларини тушуниш учун очиқ бўлади.
4. «Меҳнат шартномасини бекор қилиш» қизил белгисини босинг. Тизим меҳнат шартномасини бекор қилишни рўйхатдан ўтказишда киритилган маълумотларнинг тўғрилигини аниқлашни сўрайди.
5. Киритилган маълумотларнинг тўғрилиги тасдиқлангандан сўнг меҳнат шартномасини бекор қилишнинг барча тартиб-таомилини ЭРИ ёрдамида тасдиқлаш зарур. Бунинг учун ушбу ташкилотнинг тегишли ЭРИ калитини танлаш ва масъул шахснинг Ф.И.Ш. устига босиш зарур.
Эътибор беринг
my.mehnat.uz сайтида меҳнат шартномасининг бекор қилинишини рўйхатдан ўтказганингиздан сўнг ходимнинг Ф.И.Ш. иш куни охиригача бош саҳифада акс этиб туради. Эртаси куни ушбу иш ўрни бўш иш жойи сифатида акс эттирилади. Меҳнат шартномаси тўғрисидаги маълумотлар эса «Меҳнат шартномалари архиви» бўлимида бўлади.Вазият
Директорни ишдан бўшатиш ЯММТда қандай расмийлаштириладиa
Директор билан тузилган меҳнат шартномасининг муддати тугаганлиги сабабли, таъсисчилар лавозимга янги директорни тайинлашга қарор қилишди. Агар директор ишдан бўшатилгандан сўнг ЭРИ ишламай қолиши мумкин бўлса ва ташкилотнинг my.mehnat.uz даги кабинетига кириш имконияти бўлмаса, бундай ҳолда нима қилиш керак?
Раҳбар билан тузилган меҳнат шартномасини бекор қилиш – бу шунчаки кадрларга оид тартиб-таомил эмас. Мy.mehnat.uz сайтида ташкилот кабинетига кириш, маълумотларни рўйхатдан ўтказиш имконияти, электрон ҳужжатларни имзолаш ва бошқалар унга боғлиқ.
Kadrovik.uz тавсия қилади
Мулкдорлар ўз корхонасининг директорини қандай ишдан бўшатишлари мумкинлиги ҳақида янада батафсил тавсияномада билиб олинг Директор билан тузилган меҳнат шартномаси бекор қилиниши билан, ташкилот раҳбари сифатида унинг номига расмийлаштирилган ЭРИ ишлашдан тўхтайди. Агар компанияда амалдаги ЭРИ бўлмаса, my.mehnat.uzда шахсий кабинетга киришнинг имкони бўлмайди. Кабинетни бошқаришни йўқотмаслик учун, электрон кириш имкониятининг узлуксизлигини таъминланг.
1 қадам. Янги директорга ЭРИ расмийлаштиринг
ЭРИ жисмоний шахсга, лекин ташкилотга боғланган ҳолда расмийлаштирилади, шунинг учун янги директор компания раҳбари сифатида ЭРИ калитини олиши керак.
2 қадам. Янги ЭРИнинг ҳақиқатда ишлаётганини текширинг
Мy.mehnat.uzда ташкилот кабинетига айнан янги калит билан киринг.
Агар кириш муваффақиятли амалга ошган бўлса, демак, кабинет тўғри боғланган ва кириш имкониятини йўқотиш хавфи йўқ.
3 қадам. Аввалги директор билан меҳнат шартномасини бекор қилинг
Агар собиқ директорни аввалроқ, янги калит ҳали расмийлаштирилмаган ёки ишламаётган пайтда ишдан бўшатилса – ташкилот вақтинча кабинетга кириш имкониятини йўқотади.
Муҳим
Дастлаб – янги директорнинг ЭРИсини олиш.
Кейин – аввалги директор билан меҳнат шартномасини бекор қилиш.
Агар компания фаолиятини тугатаётган бўлса, ишдан бўшатиш тартибини тўғри белгилаш муҳим.
1 қадам. Барча ходимлар билан меҳнат шартномаларини бекор қилишни расмийлаштиринг
Директор олдин ишдан бўшатилиши мумкин эмас, чунки айнан у буйруқлар, ходимларга хабарномаларнинг имзоланиши, ёзувларнинг расмийлаштирилиши, ҳисоботларнинг топширилиши ва мажбуриятларнинг тугатилишини таъминлайди.
2 қадам. Директор билан меҳнат шартномасининг бекор қилинишини рўйхатдан ўтказинг
Тугатиш чоғида директор охирида – фақат қолган барча ходимлардан кейин ишдан бўшайди. У кетгунга қадар барча кадрларга оид ва ташкилий масалалар ёпилган бўлиши керак:
- барча ходимлар билан меҳнат шартномалари бекор қилинган;
- тугатилаётган юридик шахснинг ҳисоботлари ва мажбурий ҳаракатлари якунланган бўлиши лозим.
Kadrovik.uz тавсия қилади
Ташкилот тугатилиши муносабати билан меҳнат шартномасини бекор қилиш тартиб-таомилини қандай амалга ошириш ҳақида батафсил тавсияномада билиб олинг.
Тушунтиришлар материал эълон қилинган пайтда амалда бўлган нормаларни ҳисобга олган ҳолда тайёрланган ва экспертлар фикрини акс эттиради. Якуний қарорни фойдаланувчи аниқ вазиятларни ҳисобга олган ҳолда мустақил равишда қабул қилади
Kadrovik.uz янгиликларини биринчи бўлиб олиш учун Telegram-каналга обуна бўлинг
Мавзуга доир материаллар:
- Электрон меҳнат дафтарчаси қандай рўйхатдан ўтказилади
- Фуқаролик-ҳуқуқий тусдаги шартномани ЯММТда қандай рўйхатдан ўтказиш керак
- Огоҳлантиришни ЯММТда қандай рўйхатдан ўтказиш мумкин
- Иш жойида содир бўлган бахтсиз ҳодисани ЯММТ тизимида қандай рўйхатдан ўтказиш керак (йўриқнома)
- Ишга қабул қилиш ЯММТда қандай расмийлаштирилади
Телеграм канали 