ЎРҚ-1030-сон Қонунга мувофиқ Меҳнат кодексига МК 124-моддасига мувофиқ ходим ишга жойлашишда тақдим этиши лозим бўлган ҳужжатлар рўйхатига тааллуқли ўзгартишлар киритилди.

Нималар ўзгарди?

1️. Мажбурий ҳужжатлар рўйхати қисқартирилди

 Энди мажбурий рўйхатдан қуйидагилар чиқариб  ташланди:
♦️Солиқ тўловчининг идентификация рақами (СТИР)
♦️Жамғариб бориладиган пенсия дафтарчаси

✅ Фақат жисмоний шахснинг шахсий идентификация рақами (ЖШШИР) қолдирилди.

Бу эндиликда иш берувчилар ишга қабул қилишда ходимлардан СТИР ёки пенсия дафтарчасини талаб қила олмасликларини англатади.

2️.  Давлат органлари ва ташкилотларининг маълумотларни мустақил равишда сўраб олиш мажбурияти

♦️ Янгилик: Энди давлат органлари ва ташкилотлари ишга қабул қилиш чоғида паспорт маълумотлари ва ходимнинг меҳнат фаолияти тўғрисидаги маълумотларни мустақил равишда сўраб олишлари керак.

♦️Бу қандай ишлайди?

• Маълумотлар тегишли давлат органлари ва ташкилотларидан сўраб олиниши лозим.
• Сўров ахборот тизимларидаги идоралараро интеграция платформалари орқали амалга оширилади.

Бу иш берувчилар ва ходимлар учун нимани англатади?

✅ Ходимлар энди ишга жойлашишда СТИР ва жамғариб бориладиган пенсия дафтарчасини тақдим этишлари шарт эмас.
✅ Давлат ташкилотлари ишга қабул қилиш чоғида зарур маълумотларни талабгорлардан талаб қилмасдан, балки уларни тегишли органлардан ўзлари сўраб олишлари шарт.

Хулоса

Иш берувчилар СТИР ва жамғариб бориладиган пенсия дафтарчасини тақдим этиш талабларини чиқариб ташлаган ҳолда ички регламентлар ва кадрлар бўйича йўриқномаларни янгилашлари зарур. Бунда давлат ташкилотлари интеграцион платформалар орқали маълумотларни автоматик сўраш механизмини йўлга қўйиши керак.