Ходим қачон меҳнат шартларини ўзгартиришни талаб қилишга ҳақли

Тавсияномада:

– иш берувчи қонунга асосан қачон меҳнат шартларини ўзгартириши шарт;

– ходимнинг талабига биноан иш берувчи қандай қўшимча ҳолларда меҳнат шартларини ўзгартириши шарт;

– меҳнат шартларини ўзгартириш тартиб-таомили қандай;

– ходимнинг талабига кўра меҳнат шартларини ўзгартиришни қандай расмийлаштириш керак.

Умумий қоидага кўра, меҳнат шартларини ўзгартиришга ходим ва иш берувчи ўртасидаги келишув асосида йўл қўйилади. Бироқ МКда ходим меҳнат шартларини ўзгартиришни талаб қилишга ҳақли бўлган, иш берувчи эса бундай талабни қондириши шарт бўлган ҳоллар назарда тутилган.

Бундан ташқари, ходимнинг талабига кўра меҳнат шартларини ўзгартириш учун қўшимча асослар қуйидагиларда белгиланиши мумкин:

• жамоа келишувида;
• жамоа шартномасида;
• ички ҳужжатларда;
• меҳнат шартномасида.

Шу тариқа, ходимнинг меҳнат шартларини ўзгартиришни талаб қилиш ҳуқуқи иш берувчи учун мажбурийдир, агар у қонунчиликда, жамоа келишувида, жамоа шартномасида, ички ҳужжатда ёки меҳнат шартномасида назарда тутилган бўлса.

Қачон иш берувчи қонунга асосан меҳнат шартларини ўзгартириши шарт

Муайян ҳолатларда меҳнат шартларини ўзгартириш иш берувчининг розилигини олмасдан амалга оширилади. Бундай ҳоллар, биринчи навбатда, меҳнат қонунчилигида назарда тутилган.

Тўлиқсиз иш вақтини белгилаш

Иш берувчи қуйидаги шахсларнинг талабига кўра тўлиқсиз иш вақтини белгилаши шарт