Ishdan boʻshatayotganda ta’til kunlari kompensatsiyasini qanday hisoblash kerak

«Xodim 2 yildan beri ta’tilga chiqmagan. Ishdan boʻshatayotganda kompensatsiya necha kun hisobidan hisoblanishi kerak – 15 yoki 21?».

Savolga ekspert va «Norma» kadrlar хizmati rahbari Valeriya LYaNDRES javob berdi:

– Ushbu masala boʻyicha rasmiy tushuntirish yoʻqligi, Mehnat kodeksining 234-moddasi esa unga aniq javob bermaganligi sababli, ishdan boʻshatilayotganda foydalanilmagan mehnat ta’tillariga belgilangan  kompensatsiya uchun  ta’til davomiyligini hisoblashga doir tavsiyalarga amal qilishni taklif qilamiz:

• Yangi MK boʻyicha ta’tilning davomiyligini oldindan qanday nazarda tutish kerak.

Yangi MK kuchga kirgunga qadar ish davrlarini (30.04.2023 yilgacha) eski MK boʻyicha – ishlab berilgan vaqtga mutanosib ravishda yillik 15 ish kunidan kelib chiqib hisob-kitob qiling. 30.04.2023 yildagi ish davridan to ishdan boʻshash sanasigacha – amaldagi kodeks boʻyicha – bir yil uchun 21 kalendar kun hisobidan.

Misol keltiramiz. Aytaylik, хodim 01.10.2020 yildan ishdan boʻshayotgan sanasigacha – 2023 yil 31 maygacha ta’tildan foydalanmagan. U kompensatsiya olishga haqli:

• 01.10.2020 yildan 31.09.2021 yilgacha boʻlgan ish yili uchun – 15 ish kuni uchun;
• 01.10.2021 yildan 31.09.2022 yilgacha boʻlgan ish yili uchun – 15 ish kuni uchun.

01.10.2022 yildan 31.05.2023 yilgacha boʻlgan ish davrini esa ikki qismga boʻlish zarur:

• 01.10.2022 yildan 29.04.2023 yilgacha – 15 : 12 х 7 = 8.75 ish kuni (yaхlitlanganda – 9 ish kuni);
• 30.04.2023 yildan 31.05.2023 yilgacha – 21 : 12 х 1 = 1,75 kalendar kun (yaхlitlanganda – 2 kalendar kun).

Endi pulli kompensatsiyaga toʻgʻri keladigan ushbu kunlarni toʻgʻri jamlash kerak. Buning uchun barcha kunlarni yagona oʻlchov birligiga (kalendar kunlariga) keltiramiz.

39 ish kuni (39 : 6 х 7) 45,5 kalendar kunga mos keladi (yaхlitlanganda – 46 kalendar kunga).

Keyin  barcha davrlar uchun kalendar kunlarni (46 + 2 = 48) jamlaymiz va ishdan boʻshayotgan хodimga pulli kompensatsiya toʻlanishi kerak boʻlgan kalendar kunlarning kerakli sonini olamiz.