Noyabr oyida har bir kadrovikka asqotadi:
«Tuzilgan mehnat shartnomasiga muvofiq xodim ketma-ket oʻn ikki soatlik ikki smenada uch kunlik tanaffus bilan ishlarni bajaradi. Ya’ni, haqiqiy ish rejimi - «uch sutkada bir». Bu toʻgʻrimi?»
Yangi maqolalar haqida birinchi boʻlib xabardor boʻlish uchun telegram-kanalimizga obuna boʻling.
– Yoʻq, notoʻgʻri. Har biri oʻn ikki soatdan ketma-ket ikki smenada ishlash mehnat qonunchiligiga ziddir. Mehnat kodeksining 192-moddasi 3-qismida xodimni surunkasiga ikki smena davomida ishga jalb etish taqiqlanganligi aytilgan.
Bundan tashqari xodimning Mehnat kodeksi bilan belgilangan dam olish rejimi buziladi. Smenalar orasidagi har kungi dam olishning eng kam davomiyligi (bitta smena oxiridan to keyingi smena boshlanishiga qadar) dam olish va ovqatlanish uchun tanaffus vaqti bilan birga kamida oʻn ikki soatni tashkil etishi kerak 
.
Shuning uchun «uch sutkada bir» ish jadvaliga yoʻl qoʻyilmaydi – hatto xodimning oʻzi bunga rozi boʻlsa ham. Agar mehnat shartnomasida bunday shart mavjud boʻlsa, u haqiqiy emas deb hisoblanadi, chunki u mehnat toʻgʻrisidagi qonunchilikka nisbatan xodimning holatini yomonlashtiradi .
Qanday tuzatish kerak
Ushbu bandni haqiqiy emas deb topish hamda Mehnat kodeksining 13 va 14-boblari normalariga mos keladigan boshqa ish rejimini oʻrnatish toʻgʻrisida mehnat shartnomasiga qoʻshimcha kelishuv rasmiylashtiring.
Quyidagi maqolalarni oʻqish siz uchun qiziq boʻladi:
Lenara XIKMATOVA yangiladi
