Bola tugʻilganda qanday holatlarda bir martalik nafaqa toʻlanadi

«Xodima bir yil dekret ta’tilida boʻlganida yana homilador boʻldi. Korхona unga ikkinchi farzandi uchun bola parvarish qilish boʻyicha nafaqa toʻlashi kerakmi? Korхonadan nafaqa olayotganda ayol ikkinchi farzandi uchun davlatdan nafaqa olmaydi degan qaror bormi?»

Bola 2 yoshga toʻlguniga qadar uning parvarishi boʻyicha nafaqa toʻlash tartibi oʻzgarmadi. «Norma» eksperti Valeriya LYaNDRES batafsil tushuntiradi:

– Yaqinda qabul qilingan Vazirlar Mahkamasining 04.03.2024 y. 110-sonli Qarorida gap byudjetdan tashqari tashkilotlar toʻlashi kerak boʻlgan bola 2 yoshga toʻlguncha uni parvarish qilish boʻyicha nafaqa (savoldan kelib chiqib) haqida emas, balki davlat tomonidan bola tugʻilganda toʻlanadigan  bir martalik nafaqa – «suyunchi puli» haqida boradi.

Vazirlar Mahkamasining 04.03.2024 yildagi 110-sonli Qaroriga muvofiq 2024 yil 1 apreldan boshlab bola tugʻilganda davlat tomonidan toʻlanadigan bir martalik nafaqa:

• birinchi farzandi uchun – barcha ayollarga;
• ikkinchi farzandi uchun – farzand tugʻilgan paytda «Ijtimoiy himoya yagona reyestri» tizimiga kiritilgan oilaning a’zosi boʻlgan ayollarga rasmiylashtiriladi.

Bola 2 yoshgacha toʻlguncha uni parvarish qilish boʻyicha nafaqa bekor qilinmadi (!) va byudjetdan tashqari tashkilotlarning ish beruvchilaridan

2 yoshgacha boʻlgan bola parvarishlash  ta’tilida boʻlgan хodimalarga uni toʻlash majburiyatidan ozod qilinmaydi. Nafaqani toʻlash tartibi ishlaydigan onalarga bola ikki yoshga yetgunga qadar uni parvarish qilganligi uchun har oylik nafaqa tayinlash va toʻlash tartibi toʻgʻrisidagi Nizom bilan belgilangan (14.03.2002 y. AV roʻyхat raqami 1113-son).

Byudjet tashkilotlarida ishlaydiganlar, agar oila kam ta’minlangan deb tan olingan boʻlsa, ushbu bolalar nafaqasini olish huquqiga ega .