Fevral oyida har bir хodim uchun foydali boʻladi:
Mehnat kodeksi хodimlarga dam olish kunlari berilishi kerak boʻlgan bayram kunlarini belgilaydi. Shunday qilib, mart oyida fuqarolar Xotin-qizlar kuni va Navroʻz bayramida dam oladilar. Shu bilan birga, 8 mart dam olish kuniga toʻgʻri keladi. 8 mart, shanba dam olish kunidan koʻchirilishi, shu munosabat bilan ish vaqti balansi qanday boʻlishi va martda jami necha kun dam olish haqida kadrovik.uz nashrida oʻqing.
Xodimlarga dam olish kuni berilishi kerak boʻlgan rasmiy bayramlar sanalarini MKning 208-moddasi belgilaydi. Mart oyida bular:
- Xotin-qizlar kuni – 8 mart.
- Navroʻz bayrami – 21 mart.
- Roʻza hayit (Iyd al-Fitr) diniy bayramining birinchi kuni.
Bunda 8 mart shanba kuniga toʻgʻri keladi – 5 kunlik ish haftasida ishlaydiganlar uchun dam olish kuni va 6 kunlik ish haftasida ishlaydiganlar uchun ish kuni.
Agar ishlanmaydigan bayram kuni dam olish kuniga toʻgʻri kelsa, u dam olish kunlaridan keyingi birinchi ish kuniga koʻchiriladi 
. Ya’ni 5 kunlik ish haftasida ishlaydiganlar uchun 8 mart, dam olish kuni, 10 mart, dushanba kuniga koʻchiriladi. 6 kunlik ish haftasida ishlaydiganlar uchun esa 8 mart koʻchirilmaydi, chunki ular uchun bu ish kuni hisoblanadi.
Diqqat
Bayram kuni dam olish kuniga toʻgʻri kelganda har doim ham boshqa kunga koʻchirilmaydi . Bu qoidadan qanday istisnolar mavjudligi haqida batafsil Kadrovik PRO ekspertlari tavsiyasinomasida oʻqing
Kadrovik.uz tavsiya etadi
2025 yil mart oyida Navroʻz bayrami juma kuniga toʻgʻri keladi. Shu munosabat bilan 5 kunlik ish haftasida ishlaydiganlar ketma-ket 3 kun, 6 kunlik ish haftasida ishlaydiganlar esa – 2 kun: 21 mart juma va 23 mart yakshanba kunlari dam oladilar.
Jadval
Ish haftasiga qarab, mart oyidagi bayramlarda хodimlar qancha dam olishlari
| Bayram | Ish haftasi turi | Dam olish kunlari |
| 8 mart – Xotin-qizlar kuni | 5 kunlik | Ketma-ket 3 kun – 8 martdan 10 martgacha |
| 6 kunlik | Ketma-ket 2 kun – 8 martdan 9 martgacha | |
| 21 mart – Navroʻz bayrami | 5 kunlik | Ketma-ket 3 kun – 21 martdan 23 martgacha |
| 6 kunlik |
|
|
| 31 mart – Roʻza hayit bayramining birinchi kuni | 5 kunlik | Ketma-ket 3 kun – 29 martdan 31 martgacha |
| 6 kunlik | Ketma-ket 2 kun – 30 martdan 31 martgacha | |
Tavsiya
Oʻrindoshlarning ish vaqtini qanday belgilash va хodimga moslashuvchan ish vaqtini qanday belgilash haqida batafsil Kadrovik PRO tizimi ekspertlarining tavsiyanomalarida oʻqing.
2025 yilda Roʻza hayiti bayramining birinchi kuni dastlabki ma’lumotlarga koʻra 31 martga belgilangan. Bu Mehnat vazirligining ishlab chiqarish taqvimida koʻrsatilgan. Shuni hisobga olgan holda, 5 kunlik ish haftasida ishlovchilar uchun uzluksiz dam olish uch kun – 29 martdan 31 martgacha davom etadi. 6 kunlik ish haftasida ishlovchilar uchun esa ikki kun – 30 martdan 31 martgacha. Ammo bayram kunlari va qoʻshimcha dam olish kunlari toʻgʻrisidagi aniq ma’lumot Prezidentning qoʻshimcha Qarori chiqqanidan soʻng ma’lum boʻladi.
Shunday qilib, mart oyida ish vaqti balansi 5 kunlik ish haftasi uchun 142 soat, 6 kunlik ish haftasi uchun esa – 151 soatni tashkil etadi.
2025 yil ish vaqti ishlab chiqarish taqvimi
Eslatamiz
2025 yil uchun qoʻshimcha va koʻchirilgan dam olish kunlarini belgilash toʻgʻrisida Prezident Qarori qabul qilinmagan. Mehnat vazirligining ish vaqti ishlab chiqarish taqvimida faqat MK belgilaydigan rasmiy sanalarni nishonlash kunlari koʻrsatilgan
Kadrovik PRO ekspertlari ta’kidlashicha, keyinchalik boshqa qoʻshimcha dam olish kunlari yoki koʻchirishlarni belgilashi mumkin boʻlgan qoʻshimcha me’yoriy hujjatlar kutilmoqda. Bu ish vaqti balansini oʻzgartirishi mumkin. Muhim oʻzgarishlarni oʻtkazib yubormaslik uchun kadrovik.uz. telegram kanaliga obuna boʻling.
Tavsiya etilgan maqolalar
