Yanvar oyida Kambagʻallikni qisqartirish va bandlik vazirligi 2025 yil uchun ish vaqti rejimiga ega ishlab chiqarish kalendarini e’lon qildi. Mustaqillik bayrami arafasida Bandlik vazirligi bayramni hisobga olgan holda dam olish kunlari sonini eslatib oʻtdi. Biroq bu yil ish vaqti kalendarida qoʻshimcha yoki koʻchirilgan dam olish kunlari koʻrsatilmagan. Ish haftasining turini hisobga olgan holda Mustaqillik kunida хodimlar necha kun dam olishadi va qanday qoʻshimcha dam olish kunlari belgilanishi mumkin, nashrda oʻqing.

Ish vaqtining ishlab chiqarish kalendari Kambagʻallikni qisqartirish va bandlik vazirligi tomonidan yil boshidayoq tasdiqlangan. Unda Mehnat kodeksi belgilaydigan barcha bayram sanalari koʻrsatilgan. Bandlik vazirligi oʻzining telegram-kanalida Mustaqillik kunida dam olish kunlarini hisobga olgan holda хodimlar qancha dam olishini eslatdi.

Kadrovik.uz tavsiya qiladi

 

• Ish vaqtidan tashqari ishga qanday jalb etish kerak
• Ish vaqtidan tashqari ishga хodimning roziligi qachon talab etiladi
• Dam olish yoki bayram kunida ishlashga хodimning roziligi qachon talab etiladi
• Xodimlarga ish vaqtidan tashqari ish uchun qanday haq toʻlanadi

Avvalgi yillarda Bandlik vazirligi ishlab chiqarish kalendarini nafaqat MKga muvofiq rasmiy bayramlar bilan, balki qoʻshimcha va koʻchirilgan dam olish kunlari bilan ham tasdiqlagan. 2025 yilda vaziyat oʻzgardi. Birinchi yarim yillikda qoʻshimcha dam olish kunlari alohida qonun hujjati bilan belgilandi.

Masalan, Qurbon hayitini nishonlashda, dastlab, 27 may kuni Musulmonlar idorasi tomonidan bayramning rasmiy sanasi - 6 iyun deb e’lon qilindi. Bunda, 5 kunlik ish haftasida ishlaydigan хodimlar ketma-ket uch kun dam olgan boʻlardi, 6 kunlik ish haftasida ishlaydigan хodimlar esa ikki kun dam olib, orada shanba kuni ular uchun ish kuni boʻlardi. Keyinroq, 30 may kuni Prezident qarori bilan qoʻshimcha dam olish kuni – 7 iyun, shanba kuni tasdiqlandi. Shunday qilib, uzluksiz dam olish kunlari soni ish haftasining har ikki turi uchun ham ketma-ket uch kunni tashkil etdi.

Shundan kelib chiqib, 6 kunlik ish haftasida ishlaydigan хodimlar uchun 30 avgust, shanba kuni qoʻshimcha dam olish kuni sifatida belgilanishi ehtimoli borligini taхmin qilish mumkin. Hozircha qoʻshimcha yoki koʻchirilgan dam olish kunlari toʻgʻrisida normativ hujjatlar qabul qilinmagan. Shuning uchun hozir aynan Bandlik vazirligining ishlab chiqarish kalendarida MKga muvofiq belgilangan ish vaqti rejimiga amal qilish lozim.

Oʻqishni tavsiya qilamiz

 

• Dam olish va bayram kunlaridagi ishga qanday jalb etish kerak
• Dam olish va bayram kunlaridagi ish uchun qanday haq toʻlanadi
• Dam olish yoki ishlanmaydigan bayram kunlaridagi ish qanday rasmiylashtiriladi