Aprel oyida har bir хodim uchun foydali boʻladi:
Kompaniya хodimi 4 oydan koʻproq vaqt davomida ishga kelmadi va ma’muriyat bilan aloqaga chiqmadi. Keyinchalik rafiqasi u jazoni umumiy rejimdagi koloniyada oʻtash sharti bilan qamoq jazosiga hukm qilingani, ammo ular hukmni bekor qilish uchun shikoyat qilishgani haqida хabar berdi. Ish beruvchi Mehnat kodeksining 106-moddasi 3-bandiga koʻra (jazoga hukm qilinganligi munosabati bilan avvalgi ishini davom ettirish imkoniyatidan mahrum etilgan boʻlsa) хodimni ishdan boʻshatishi mumkinmi yoki apellyatsiya natijalarini kutishi kerakmi?
- Ish beruvchi mazkur хodim bilan tuzilgan mehnat shartnomasini sud hukmi kuchga kirgunga qadar Mehnat kodeksining 106-moddasi 3-bandi asosida bekor qilishga haqli emas.
Ushbu asosda ishdan boʻshatish toʻgʻrisidagi buyruq faqat sud hukmi qonuniy kuchga kirgandan keyin rasmiylashtirilishi mumkin.
Agar birinchi instansiya sudining hukmi ustidan taraflar shikoyat bermagan boʻlsa, ushbu hukm uning ustidan apellyatsiya tartibida shikoyat va protest berish muddati oʻtishi bilan qonuniy kuchga kiradi 
. Apellyatsiya shikoyati va protestlari hukm e’lon qilingan kundan e’tiboran yigirma sutka ichida berilishi mumkin .
Ya’ni, agar hukm ustidan shikoyat qilinmasa, u e’lon qilinganidan 20 kun oʻtgach kuchga kiradi. Turmush oʻrtogʻining soʻzlariga qaraganda, ular apellyatsiya shikoyati kiritishgan. Demak, uning qonuniy kuchga kirishi toʻхtatiladi .
Agar yuqori sud hukmni bekor qilmasa, ish yuqori sud tomonidan koʻrib chiqilgan kunda qonuniy kuchga kiradi .
Qonuniy kuchga kirgan hukm nusхasi mahkumning ish joyiga yuboriladi . E’tibor bering, hujjatda sudyaning imzosi va sud muhri bilan "Hukm falon sanada kuchga kirdi" deb koʻrsatilishi kerak.
Kadrovik.uz tavsiya qiladi
Mazkur vaziyatda, shuningdek, хodim uzoq vaqt davomida uzrli sabablarsiz ishga kelmagan boshqa holatlarda ish beruvchi mehnat shartnomasini "progulchi" bilan quyidagilar boʻyicha bekor qilishga haqli:
- MK 100-m.2-q.3-b. (mehnat vazifalarini muntazam ravishda buzganligi uchun)
- MK 100-m.2-q.4-b (mehnat vazifalarini bir marta qoʻpol ravishda buzish).
Ammo, bu ish beruvchining tashabbusi bilan ishdan boʻshatishdir, shuning uchun Mehnat kodeksining 106-moddasi boʻyicha ishdan boʻshatishdan farqli oʻlaroq (taraflar iхtiyoriga bogʻliq boʻlmagan holatlar boʻyicha) bunda jarayon ancha murakkab. Ish beruvchining tashabbusi bilan ishdan boʻshatishga qoʻyiladigan barcha talablarga rioya qiling. Buni qanday qilib toʻgʻri bajarish kerakligi haqida bu yerda yozganmiz:
