Shifokorni bir vaqtning oʻzida ikkita lavozimga qanday rasmiylashtirish mumkin

«Xususiy klinikaga 0,5 stavkaga oʻrindoshlik asosida fizioterapiya shifokori ishga qabul qilindi. Shuningdek, u bosh shifokor etib ham tayinlanadi. Ishga qabul qilingan хodimni qanday rasmiylashtirish kerak – fizioterapiya shifokori sifatidami yoki bosh shifokor debmi?».

Kadrovik.uz tushuntiradi:

– Eng avvalo, tibbiyot muassasalarida ishlaydigan oʻrindosh хodimlarga qoʻyiladigan talablarni hisobga oling.

Xodim dastlab ushbu tashkilotga oʻrindoshlik asosida qabul qilinganligi sababli, uni ichki oʻrindoshlik shartlari asosida ikkinchi lavozimga qabul qilish imkonsiz. Bunday holda хodimga bir necha kasbda ishlashni rasmiylashtirishni tavsiya etamiz.

Ularning farqi nimadaligi хususida bu yerda batafsil yozilgan:

• Bitta tashkilotda bir necha kasbda ishlash va ichki oʻrindoshlik oʻrtasidagi 10 ta farq.

Ishga qabul qilishni rasmiylashtirishdan oldin хodimning tayinlangan ish joylari uchun vazifalari, majburiyatlari va mas’uliyatini aniq belgilang. Xodimni qaysi lavozimga qabul qilish va qaysi lavozim boʻyicha qoʻshimcha majburiyat yuklash toʻgʻrisida qaror qabul qiling:

1) bir vaqtning oʻzida bosh shifokor vazifalarini bajaradigan fizioterapiya shifokori

yoki

2) bir vaqtning oʻzida fizioterapiya shifokori vazifalarini bajarish bilan bosh shifokor.

Shundan soʻng, qonun hujjatlariga muvofiq oʻrindoshlik asosida ishlovchilar uchun ish vaqti normalarini buzmasdan, ishlab chiqarish zaruratidan kelib chiqqan holda uning oʻrindoshlik asosidagi ish vaqti rejimini belgilang   .

Xodimning roziligi bilan ishga qabul qilish va qoʻshimcha majburiyatlarni yuklash toʻgʻrisidagi hujjatlarni rasmiylashtira turib , quyidagilarni e’tiborga oling:

1) хodimni ishga qabul qilishda mehnat shartnomasi taraflari tomonidan хodimning doimiy ravishda qoʻshimcha ishlarni bajarish toʻgʻrisida kelishuvga erishilgan boʻlsa, bu mehnat shartnomasida uning qoʻshimcha sharti sifatida  kelishiladi. Mehnat shartnomasi asosida хodimga qoʻshimcha ish hajmi uchun qoʻshimcha haq toʻlash shartlari koʻrsatilgan bitta buyruq chiqarish kifoya ;

2) agar taraflar хodimning doimiy asosda qoʻshimcha ishni bajarish toʻgʻrisida mehnat faoliyati davomida kelishib olishgan boʻlsa,  shartnoma mehnat shartnomasiga qoʻshimcha kelishuv bilan rasmiylashtiriladi. Qoʻshimcha ish hajmi uchun qoʻshimcha toʻlov shartlari va хodim uchun ushbu qoʻshimcha hajm kelib chiqadigan sana koʻrsatilgan qoʻshimcha buyruq chiqariladi.

Agar хodim ish beruvchi bilan kelishilgan muddat davomida (ya’ni doimiy ravishda emas) qoʻshimcha ishni bajarishga rozi boʻlsa, mehnat shartnomasiga oʻzgartirish kiritishning hojati yoʻq.

Shartlashuvni faqat ish beruvchining buyrugʻi bilan rasmiylashtiring. Xodim buyruq matni bilan tanishishi va rozi boʻlgan taqdirda, uni imzolashi kerak.

Valeriya LYaNDRES,

«Norma» eksperti