Telefon orqali ishdan boʻshash mumkinmi

«Xodim ta’til vaqtida chet elga ketib, oʻsha yerdan turib qoʻngʻiroq qildi va uni oʻz xohishiga binoan ishdan boʻshatishni soʻradi. Guvohlar ishtirokida telefon orqali qilingan ogʻzaki bayonoti boʻyicha mehnat shartnomasini bekor qilishga yoʻl qoʻyiladimi?».

Kadrovik.uz tushuntiradi:

– Yoʻq, yoʻl qoʻyilmaydi.

Mehnat shartnomasini xodimning tashabbusiga koʻra bekor qilish toʻgʻrisidagi ariza yozma shaklda rasmiylashtirilishi shart . Xodimning har qanday ogʻzaki bayonotlari, shu jumladan – hatto guvohlar ishtirokida telefon orqali qilinganda ham, u bilan mehnat shartnomasini bekor qilish uchun asos boʻlib xizmat qila olmaydi.

Xodimning oʻzi shaxsan imzolagan yozma arizasiz ushbu asos boʻyicha mehnat shartnomasini bekor qilish noqonuniy hisoblanadi. Bundan tashqari, xodimning tashabbusiga koʻra  ishdan boʻshatish toʻgʻrisidagi buyruq uchun asos boʻlishi kerak, telefon qoʻngʻirogʻini esa buyruqqa ilova qilib boʻlmaydi.

Xodimning oʻz xohishiga koʻra ishdan boʻshatish toʻgʻrisidagi har qanday ogʻzaki iltimosi ish beruvchini mehnat shartnomasini bekor qilish tartib-taomilini boshlashga majbur qiladigan yuridik fakt sifatida emas, balki faqat maqsad sifatida baholanishi kerak.

Xodim ishda yoʻq vaqtda (kasallik, ta’til va h.k.) oʻz xohishiga koʻra ishdan boʻshatish toʻgʻrisidagi telefon qoʻngʻiroqlariga ham, hatto u tez orada yozma ariza bilan borishga va’da bersa ham, xuddi shu tartibda munosabat bildirish kerak. Agar ish beruvchi MKning 160-moddasi boʻyicha ishdan boʻshatish toʻgʻrisida buyruq chiqarishga shoshilsa, bu ish beruvchi uchun salbiy oqibatlarga olib kelishi mumkin.

Eng koʻp prognoz qilinadigan variant –  xodim ishdan boʻshash haqidagi fikrini oʻzgartiradi. Bunday holda chiqarilgan buyruqni bekor qilish, mehnat daftarchasiga tuzatish kiritish, ish beruvchi esa ishdan boʻshatilganga  zararni qoplashiga toʻgʻri keladi.

E’tibor bering

Agar xodim ta’tilda yoki boshqa sabablarga koʻra yoʻq boʻla turib (kasallik, xizmat safari, ishlab chiqarishdan ajralgan holda malaka oshirish va h.k.) mehnat shartnomasini bekor qilish toʻgʻrisidagi arizani (pochta joʻnatmasini topshirish haqidagi xabarnoma bilan) yuborsa yoki uni ishonchli shaxs orqali berib yuborsa, ish beruvchi ushbu hujjatni qabul qilishi shart .

Bunda mehnat shartnomasini bekor qilish haqidagi ogohlantirish muddatini hisoblab chiqarish ish beruvchi tomonidan ariza olingan sanadan soʻng keyingi kunda boshlanadi . 

Valeriya LYaNDRES yangiladi