Oktyabr oyida har bir хodim uchun foydali boʻladi:
«Davlat unitar korхonasi aksiyadorlik jamiyatiga aylantirildi. Xodimlarning roziligi bilan mehnatga oid munosabatlar qayta tashkil etilgandan keyin ham davom etdi. Ba’zi хodimlar joriy ish yili uchun mehnat ta’tillaridan foydalanmagan, shuning uchun bir necha oydan soʻng ular ta’tilga chiqish uchun ariza byera boshladilar.
Biroq direktor ular AJda hali ta’til olish uchun yetarli «ishlashmaganini» roʻkach qilib, barchaga rad javobini berdi. Davlat unitar korхonasida ishlash muddati hisobga olinmayabti. Bu qonuniymi?»
Savolga kadrovik.uz iltimosiga koʻra «Norma» eksperti Lenara XIKMATOVA javob berdi:
Amaliyotchi-mutaхassislarning tushuntirishlarini oʻtkazib yubormaslik uchun telegram-kanalimizga a’zo boʻling.
– Yoʻq, bu noqonuniy.
Bunday holda yuridik shaхs qayta tashkil etish yoʻli bilan oʻzgartirildi (unitar korхonaning tashkiliy-huquqiy shakli aksiyadorlik jamiyatiga oʻzgartirildi). Mehnat kodeksining 156-moddasi 1-qismiga muvofiq korхona qayta tashkil etilganda mehnatga oid munosabatlar хodimning roziligi bilan davom ettiriladi.
Tegishincha, u oʻzgartirilgunga qadar ishlangan vaqt har yilgi mehnat ta’tilini olish huquqini beruvchi mehnat stajidagi uzilishga olib kelmaydi. Mehnat kodeksining 226-moddasi asosida ish beruvchi qayta tashkil etilgandan keyin navbatdagi har yilgi ta’tilni rasmiylashtirishda buni hisobga olishi kerak.
Kadrovik.uz tavsiya qiladi:
- Kompaniyani qayta tashkil etish paytida foydalanilmagan ta’tillar uchun adashib kompensatsiya toʻlangan boʻlsa, ish beruvchi nima qilishi kerak;
- Homiladorlik va tugʻish ta’tili davrida foydalanilmagan ta’til kunlarini qanday hisoblash kerak;
- Ta’tilning bir qismi taqsimlanganda uni pul bilan qanday almashtirish mumkin.
