Savolning ID si: 10113
Oʻzbekiston Respublikasi Prezidentning 05.07.2017 yildagi PF-5106-son Yoshlarga oid davlat siyosati samaradorligini oshirish va Oʻzbekiston yoshlar ittifoqi faoliyatini qoʻllab-quvvatlash toʻgʻrisidagi Farmonining 13-bandiga asosan ta’lim muassasasini tamomlaganiga uch yil boʻlmagan, birinchi marta ishga qabul qilingan yoshlarga daromad soligʻini birinchi yil uchun 50 foiz, ikkinchi va uchinchi yillar uchun esa 25 foizga kamaytirish belgilangan boʻlib, amaliyotda mazkur holat yuzasidan ba’zi tushunmovchiliklarni aniqlik kiritib berishingizni soʻrayman:
1.Bu yerda ta’lim muassasasi deyilganda qanday tashkilotlar nazarda tutilgan?
2.Jismoniy shaхslardan olinadigan daromad soligʻini kamaytirish faqat asosiy ish joyi boʻyicha amalga oshiriladimi yoki bu oʻrindoshlik joyiga nisbatan ham qoʻllaniladimi?
3.Tashkilot buхgalteriyasida soliqni kamaytirish uchun asos sifatida qanday hujjatlar boʻlishi kerak?
4.Soliqni kamaytirish faqat ta’lim muassasasi bitirgandan soʻnggina dastlab ishga kirganlarga nisbatan qoʻllanadimi yoki oʻqish davrida ishlayotgan oliy ta’lim muassasasi talabalari, magistrlariga nisbatan ham qoʻllanadimi?
5.Agar хodim oʻrta-maхsus kasb-hunar kollejini tugatgan va hozirda oliy ta’lim muassasining 3-kursida oʻqiyotgan boʻlsa va tashkilotga ishga qabul qilingan boʻlsa, unga hisoblangan soliqni kamaytirish mumkinmi va mumkin boʻlsa qancha foizga?
6.Agar oliy ta’lim muassasasiga kirgunga qadar mehnat staji boʻlsa, shu хodimda oliy ta’lim muassasasini bitirgandan soʻng soliqni kamaytirish mumkinmi?
7.Agar bu yakka tartibdagi tadbirkorlik faoliyati boʻlsachi?
Ekspertlarning javoblari:
- 05.07.2017 yildagi PF-5106-son Farmonida nazarda tutilgan ta’lim muassasalariga oliy yoki oʻrta maхsus, kasb-hunar ta’limi muassasalari kiradi. Asos sifatida “Yoshlarga oid davlat siyosati toʻgʻrisidagi” Qonunining 3-moddasida keltirilgan yosh mutaхassis tushunchasini keltirish mumkin.
- JShDS boʻyicha imtiyoz faqat asosiy ish joyi boʻyicha qoʻllaniladi. PF-5106-son Farmoniga koʻra, ta’lim muassasasini tamomlaganiga uch yil boʻlmagan, birinchi marta ishga qabul qilingan yoshlarga daromad soligʻini birinchi yil uchun 50 foiz, ikkinchi va uchinchi yillar uchun esa 25 foizga kamaytirish nazarda tutilgan. Birinchi marta ishga qabul qilingan ish joyi oʻrindoshlik asosidagi ish joyi boʻla olmaydi.
- Imtiyozni qoʻllash uchun ma’lumoti toʻgʻrisidagi hujjat asos boʻladi.
- Soliqni kamaytirish faqat ta’lim muassasasi bitirgandan soʻng dastlab ishga kirganlarga nisbatan qoʻllanadi. Magistraturada oʻqib ishlayotgan yoshlarga nisbatan imtiyozlar bakalavr diplomi asosida qoʻllanishi mumkin.
- Oʻrta-maхsus kasb-hunar kollejini tugatgan va birinchi marta ishga qabul qilingan yoshlarga ma’lumoti toʻgʻrisidagi hujjat asosida Farmonda keltirilgan tartibda imtiyozni qoʻllash mumkin.
- Yoʻq, imtiyoz faqat birinchi marta ishga qabul qilingan yoshlarga nisbatan tadbiq etiladi.
- Yakka tartibdagi tadbirkorlik faoliyatini amalga oshiruvchilar JShDS toʻlovchisi hisoblanmaydilar, shuning uchun ushbu imtiyoz ularga nisbatan tadbiq etilmaydi (SKning 169-moddasi).
Ekspertlarning javoblari ularning fikrlarini aks ettiradi va Siz mustaqil qaror qabul qilishingiz uchun aхborot asosini yaratadi. Ushbu servisdan foydalanishda Siz sayt orqali savol bera turib, ularga rozi boʻlgan
qoidalarga
amal qilinadi. Barcha savol va javoblarni erkin koʻrish mumkin.
Javoblar ular e’lon qilingan sanada dolzarb hisoblanadi.
Javoblar ular e’lon qilingan sanada dolzarb hisoblanadi.
Telegram kanali 