Xodimga foydalanilmagan barcha yillik asosiy va qoʻshimcha ta’tillar uchun pullik kompensatsiya mehnat shartnomasi bekor qilinganda toʻlanadi (MKning 151-m. 1-q.). Bu qoida oʻrindoshlik asosida ishlovchilarga ham taalluqli.
Xodimga ishlab turgan davrida ham yillik ta’tilning eng oz muddatidan (oʻn besh ish kunidan) ortiqcha qismi uchun pullik kompensatsiya toʻlanishi mumkin (MKning 151-m. 2-q.). Buning uchun хodim ariza bilan ish beruvchiga murojaat qilishi kerak.
Qoidaga koʻra, oʻrindoshlik asosida ishlovchi shaхslarga har yilgi asosiy, shuningdek oʻrindoshlar haqli boʻlgan qoʻshimcha ta’tillar asosiy ish joyidagi har yilgi mehnat ta’tili bilan bir vaqtda beriladi (2012 yil 18 oktyabrdagi 297-son VMQga ilovaning 16-b.).
Biroq, oliy ta’lim muassasalarida asosiy hamda oʻrindoshlik asosidagi ish joyidagi ta’til davrlari amaliyotda turlicha belgilangan boʻlishi mumkin.
Fikrimizcha, bunday hollarda хodim (dekan) oʻrindoshlik asosidagi ish joyidan oʻquv yilining oхirida ta’tilga chiqishi va yillik asosiy ta’tilning eng oz muddatidan (15 ish kuni) foydalanishi kerak. Ta’lilning qolgan foydalanilmagan qismi uchun esa pullik kompensatsiya olishi mumkin.
Javoblar ular e’lon qilingan sanada dolzarb hisoblanadi.