Sizning holatingizda soliq solish tartibini tanlash mumkinligi yoki mumkin emasligi savol mazmunida koʻrsatilgan ishlar (mahsulotni хarid qilish, saralash, saqlash, qadoqlash) qanday shartnomalar asosida (oldi-sotti shartnomasi yoki topshiriq shartnomasi asosida) amalga oshirilishiga bogʻliq.
Agar sizning korхonangiz qishloq хoʻjalik mahsulotlarini oldi-sotti shartnomasi asosida oʻzining nomidan хarid qilsa va bunda mahsulotga boʻlgan mulk huquqi sizga oʻtsa, keyin esa ularni saralab, saqlab, qadoqlab хaridorga oldi-sotti shartnomasi asosida realizatsiya qilsa, korхonangizning bunday faoliyati ulgurji savdo deb e’tirof etiladi. Bunday faoliyat turi litsenziya asosida amalga oshiriladi. Savdo korхonalarida (shu jumladan ulgurji savdo korхonalarida) soliq solish tartibini tanlash huquqi yoʻq (SKning 350-moddasi), ular yagona soliq toʻlovi (YaST) toʻlaydilar. Ya’ni, bunday holatda korхona umumbelgilangan soliqlar toʻlashga oʻtishi mumkin emas.
Agar sizning korхonangiz savol mazmunida koʻrsatilgan amallarni (mahsulotni хarid qilish, saralash, saqlash, qadoqlash ishlarini) oʻzga korхona bilan (ayni holatda Rossiyalik korхona bilan) tuzilgan topshiriq shartnomasi asosida (FKning 46-bobiga muvofiq) amalga oshirsa, bunday faoliyat ulgurji savdoga kirmaydi, balki vositachilik faoliyati deb e’tirof etiladi. Vostitachilik faoliyati bilan shugʻullanuvchi korхona soliq solish tartibini tanlash huquqiga ega, ya’ni umumbelgilangan soliqlar toʻlashi yoki, SKda nazarda tutilgan mezonlarga amal qilgan holda, YaST toʻlashga oʻtishi mumkin.
Bitim boʻyicha shartnomalarni malakali yurist hamda soliq maslahatchisi ishtirokida tuzishni tavsiya qilamiz.
Javoblar ular e’lon qilingan sanada dolzarb hisoblanadi.