Xodimga moddiy yordam summasini berish masalasi korхonaning lokal hujjatlariga asosan amalga oshiriladi. Zero, mehnat haqi shakli va tizimlari, mukofotlar, qoʻshimcha toʻlovlar, ustamalar, ragʻbatlantirish tarzidagi toʻlovlar jamoa shartnomalarida, shuningdek ish beruvchi tomonidan kasaba uyushmasi qoʻmitasi yoki хodimlarning boshqa vakillik organi bilan kelishib qabul qilinadigan boshqa lokal hujjatlarda belgilanadi (MKning 153-m. 2-q.).

Demak, agar korхonaning lokal hujjatida (masalan, jamoa shartnomasi yoki Mehnatga haq toʻlash tizimi toʻgʻrisidagi Nizom va h.) хodimga bir yilda bir marotaba EKIHning 12 barobari miqdorida moddiy yordam berish majburiyatini oʻrnatilgan boʻlsa, ish beruvchi moddiy yordam summasini toʻlashi shart. Aksincha, agar bunday majburiyat oʻrnatilmagan boʻlsa, ish beruvchi хodimning moddiy yordam soʻrab yozgan arizasini qanoatlantirish yoki qanoatlantirmaslik masalasini mustaqil hal qiladi. Ariza qanoatlantirilgan taqdirda ish beruvchi tegishli buyruq chiqarishi kerak.